ஜெட் வேகத்தில் உயரும் தங்கம் விலை...தொடர்ந்து 3வது நாளாக உயர்வு!

சென்னையில் இன்று ஆபரண தங்கத்தின் விலை சவரனுக்கு ரூ.400 உயர்ந்து ஒரு சவரன் தங்கம் ரூ.56,920க்கு விற்பனை
 செய்யப்பட்டு வருகிறது.

சென்னையில் ஆபரண தங்கத்தின் விலை ஓவ்வொரு நாளும் ஏற்ற, இறக்கங்களை சந்தித்து வருகிறது. கடந்த திங்கள் கிழமை ஆபரண தங்கத்தின் விலை சவரனுக்கு ரூபாய் 480 உயர்ந்து ஒரு சவரன் தங்கம் ரூ.55,960க்கு விற்பனை செய்யப்பட்டது. இதேபோல் நேற்று தங்கம் விலை சவரனுக்கு ரூபாய் 560 உயர்ந்து ஒரு சவரன் தங்கம் ரூ.56,520க்கு விற்பனை செய்யப்பட்டது. இதேபோல் ஆபரண தங்கம் கிராமுக்கு ரூ.70 உயர்ந்து ரூ.7,065க்கு விற்பனை செய்யப்பட்டது. 

இந்த நிலையில், இன்றும் தங்கம் விலை அதிகரித்துள்ளது. சென்னையில் இன்று ஆபரண தங்கத்தின் விலை சவரனுக்கு ரூ.400 உயர்ந்து ஒரு சவரன் தங்கம் ரூ.56,920க்கு விற்பனை  செய்யப்பட்டு வருகிறது. இதேபோல் ஆபரண தங்கம் கிராமுக்கு ரூ.50 உயர்ந்து ரூ.7,115க்கு விற்பனை செய்யப்பட்டு வருகிறது. தங்கம் விலை கடந்த 3 நாட்களாக தொடர்ந்து உயர்ந்துள்ளதால் இல்லத்தரசிகள் கவலை அடைந்துள்ளனர்.