தாறுமாறாக ஏறிய தங்கம் விலை..சவரன் 61,000ஐ தாண்டியது!

சென்னையில் இன்று ஆபரண தங்கத்தின் விலை சவரனுக்கு 960 ரூபாய் உயர்ந்து ஒரு சவரன் தங்கம் 61 ஆயிரத்து 840 ரூபாய்க்கு விற்பனை செய்யப்பட்டு வருகிறது.
சென்னையில் ஆபரண தங்கத்தின் விலை ஒவ்வொரு நாளும் ஏற்ற இறக்கங்களை சந்தித்து வருகிறது. சர்வதேச பொருளாதார நிலை மற்றும் டாலருக்கு நிகரான இந்திய ரூபாயின் மதிப்பு உள்ளிட்ட காரணங்களால் தினமும் தங்கம் விலையில் மாற்றம் ஏற்படுகிறது. திங்கள் கிழமை ஆபரண தங்கத்தின் விலை சவரனுக்கு 120 ரூபாய் குறைந்து ஒரு சவரன் தங்கம் 60 ஆயிரத்து 320 ரூபாய்க்கு விற்பனை செய்யப்பட்டது. செவ்வாய் கிழமை ஆபரண தங்கத்தின் விலை சவரனுக்கு 240 ரூபாய் குறைந்து ஒரு சவரன் தங்கம் 60 ஆயிரத்து 080 ரூபாய்க்கு விற்பனை செய்யப்பட்டது. நேற்று முன் தினம் சவரனுக்கு 680 ரூபாய் ஒரு சவரன் தங்கம் 60 ஆயிரத்து 760 ரூபாய்க்கு விற்பனையானது. நேற்று சவரனுக்கு 120 ரூபாய் உயர்ந்து ஒரு சவரன் தங்கம் 60 ஆயிரத்து 880 ரூபாய்க்கு விற்பனையானது.
இந்த நிலையில், இன்றும் தங்கம் விலை அதிரடியாக உயர்ந்து புதிய உச்சத்தை தொட்டுள்ளது. சென்னையில் இன்று ஆபரண தங்கத்தின் விலை சவரனுக்கு 960 ரூபாய் உயர்ந்து ஒரு சவரன் தங்கம் 61 ஆயிரத்து 840 ரூபாய்க்கு விற்பனை செய்யப்பட்டு வருகிறது. இதேபோல் கிராமுக்கு 120 ரூபாய் உயர்ந்து ஒரு கிராம் தங்கம் 7 ஆயிரத்து 730 ரூபாய்க்கு விற்பனை செய்யப்பட்டு வருகிறது. தங்கம் விலை கடந்த 3 நாட்களில் மட்டும் சவரனுக்கு ₹1,760 விலை உயர்ந்துள்ளது