ஒரே நாளில் இவ்வளவு குறைவா? தங்கம் வாங்க நல்ல வாய்ப்பு!

சென்னையில் இன்று 22 கேரட் ஆபரண தங்கத்தின் விலை சவரனுக்கு ரூ.920 குறைந்து ஒரு சவரன் ரூ.72,120க்கு விற்பனை செய்யப்பட்டு வருகிறது.

சென்னையில் ஆபரண தங்கத்தின் விலை ஒவ்வொரு நாளும் ஏற்ற இறக்கங்களை சந்தித்து வருகிறது. சர்வதேச பொருளாதார நிலை மற்றும் டாலருக்கு நிகரான இந்திய ரூபாயின் மதிப்பு உள்ளிட்ட காரணங்களால் தினமும் தங்கம் விலையில் மாற்றம் ஏற்படுகிறது. வாரத்தின் முதல் நாளான திங்கள் கிழமை ஆபரண தங்கத்தின் விலை சவரனுக்கு ரூ.160 உயர்ந்து ஒரு சவரன் ரூ.70,200க்கு விற்பனையானது. செவ்வாய் கிழமை தங்கத்தின் விலை சவரனுக்கு ரூ.2000 உயர்ந்து ஒரு சவரன் ரூ.72,200க்கு விற்பனை செய்யப்பட்டது. புதன் கிழமை சவரனுக்கு ரூ.200 குறைந்து ஒரு சவரன் ரூ.72,600க்கு விற்பனையானது. நேற்று 
 சவரனுக்கு ரூ.440 உயர்ந்து ஒரு சவரன் ரூ.73,040க்கு விற்பனை செய்யப்பட்டது. 

இந்த நிலையில், இன்று தங்கம் விலை அதிரடியாக குறைந்துள்ளது. சென்னையில் இன்று 22 கேரட் ஆபரண தங்கத்தின் விலை சவரனுக்கு ரூ.920 குறைந்து ஒரு சவரன் ரூ.72,120க்கு விற்பனை செய்யப்பட்டு வருகிறது. இதேபோல் தங்கம் விலை கிராமுக்கு 115 ரூபாய் குறைந்து ஒரு கிராம் ஆபரண தங்கம் ரூ.9,015க்கு விற்பனை செய்யப்பட்டு வருகிறது. வெள்ளி ஒரு கிராம் 110 ரூபாய்க்கு விற்பனை செய்யப்பட்டு வருகிறது.