இல்லத்தரசிகள் சற்று நிம்மதி! குறைந்தது தங்கம் விலை!

சென்னையில் ஆபரண தங்கத்தின் விலை ஒவ்வொரு நாளும் ஏற்ற இறக்கங்களை சந்தித்து வருகிறது. சர்வதேச பொருளாதார நிலை மற்றும் டாலருக்கு நிகரான இந்திய ரூபாயின் மதிப்பு உள்ளிட்ட காரணங்களால் தினமும் தங்கம் விலையில் மாற்றம் ஏற்படுகிறது. கடந்த வெள்ளி கிழமை சவரனுக்கு ரூ.1,480 உயர்ந்து ஒரு சவரன் தங்கம் ரூ.69,960க்கு விற்பனை செய்யப்பட்டது. சனிக்கிழமை சவரனுக்கு ரூ.200 உயர்ந்து ஒரு சவரன் தங்கம் ரூ.70,160க்கு விற்பனையானது.

இந்த நிலையில், இன்று தங்கம் விலை குறைந்துள்ளது. சென்னையில் இன்று 22 கேரட் ஆபரண தங்கத்தின் விலை சவரனுக்கு ரூ.120 குறைந்து ஒரு சவரன் தங்கம் ரூ.70,040க்கு விற்பனை செய்யப்பட்டு வருகிறது. சென்னையில் ஆபரணத் தங்கத்தின் விலை கிராமுக்கு ரூ.15 குறைந்து, ஒரு கிராம் ரூ.8,755 க்கு விற்பனையாகிறது. தங்கம் விலை சற்று குறைந்துள்ளதால் இல்லத்தரசிகள் நிம்மதி அடைந்துள்ளனர்.