இன்றும் அதிரடியாக குறைந்த தங்கம் விலை!

சென்னையில் இன்று 22 கேரட் ஆபரண தங்கத்தின் விலை சவரனுக்கு ரூ.480 குறைந்து ஒரு சவரன் தங்கம் ரூ.65,800க்கு விற்பனை செய்யப்பட்டு வருகிறது. 

சென்னையில் ஆபரண தங்கத்தின் விலை ஒவ்வொரு நாளும் ஏற்ற இறக்கங்களை சந்தித்து வருகிறது. சர்வதேச பொருளாதார நிலை மற்றும் டாலருக்கு நிகரான இந்திய ரூபாயின் மதிப்பு உள்ளிட்ட காரணங்களால் தினமும் தங்கம் விலையில் மாற்றம் ஏற்படுகிறது.  கடந்த வெள்ளி கிழமை ஆபரண தங்கம் சவரனுக்கு ரூ.1,280 குறைந்து ஒரு சவரன் தங்கம் ரூ.67,200க்கு விற்பனையானது. சனிக்கிழமை தங்கத்தின் விலை சவரனுக்கு ரூ.720 குறைந்து ஒரு சவரன் தங்கம் ரூ.66,480க்கு விற்பனையானது. நேற்று தங்கத்தின் விலை சவரனுக்கு ரூ.200 குறைந்து ஒரு சவரன் தங்கம் ரூ.66,280க்கு விற்பனையானது.

இந்த நிலையில், இன்றும் தங்கம் விலை அதிரடியாக குறைந்துள்ளது. சென்னையில் இன்று 22 கேரட் ஆபரண தங்கத்தின் விலை சவரனுக்கு ரூ.480 குறைந்து ஒரு சவரன் தங்கம் ரூ.65,800க்கு விற்பனை செய்யப்பட்டு வருகிறது. இதேபோல் ஆபரண தங்கம் கிராமுக்கு 60 ரூபாய் குறைந்து ஒரு கிராம் தங்கம் ரூ.8,225க்கு விற்பனை செய்யப்பட்டு வருகிறது. தங்கம் விலை தொடர்ந்து குறைந்து வருவதால் இல்லத்தரசிகள் நிம்மதி அடைந்துள்ளனர்.