வார இறுதி நாளில் ஏற்றம் கண்ட தங்கம் விலை.. எவ்வளவு தெரியுமா?

கடந்த 2 நாட்களாக குறைந்திருந்த தங்ம் விலை இன்று அதிரடியாக ஏற்றம் கண்டிருக்கிறது. சென்னையில் தங்கம் விலை சவரனுக்கு ரூ.280 அதிகரித்துள்ளது.  

தங்கம் அவ்வப்போது விலை உயர்வதும், குறைவதுமாக போக்கு காட்டிவந்தாலும், அடிப்படையில்  கனிசமாக ஏற்றம் கண்டுள்ளதே நிதர்சனம். மத்திய பட்ஜெட்டில் தங்கம் மற்றும் வெள்ளியின் இறக்குமதி வரு 15 % லிருந்து 6% ஆக குறைக்கப்பட்டதை அடுத்து, தங்கம் விலை தடாலடியாக குறைந்துவிடும் என்று மக்கள் எதிர்பார்த்தனர். அதற்கேற்ப கடந்த மாதம் மட்டும் ரூ.5,000 வரை தங்கம் விலையும் குறைந்தது. 

தொடர்ந்து குறையும் என எதிர்பார்த்த மக்களுக்கு ஏமாற்றமே மிச்சம் என்கிற வகையில், அடிக்கடி ஏற்றங்களை கண்டு வருகிறது. அவ்வப்போது சற்று இறக்கம் காட்டி வருகிறது.   அந்தவகையில் கடந்த சனிக்கிழமை அதிரடியாக சவரனுக்கு 840 ரூபாயும், புதன்கிழமை சவரனுக்கு 400 ரூபாயும்  அதிகரித்தது.  அன்றைய தினம் ஒரு சவரன் ரூ.53,360க்கு விற்பனை செய்யப்பட்டது. இந்த நிலையில் நேற்று முன்தினம் தங்கம் விலை சவரனுக்கு ரூ.240ம், நேற்று சவரனுக்கு ரூ.160ம் குறைந்து ஒரு சவரன் ரூ. 53,280க்கு விற்கப்பட்டது.  

கடந்த 2 நாட்களாக சரிந்து வந்த தங்கம் விலை வாரத்தின் இறுதி நாளான இன்று அதிரடியாக ஏற்றம் கண்டுள்ளது.  அதன்படி சென்னையில் இன்று  22 கேரட் ஆபரணத் தங்கம் கிராமுக்கு 35 ரூபாய் அதிகரித்து ஒரு கிராம் ரூ.6,695 க்கு விற்பனை செய்யப்படுகிறது. அதேபோல் சவரனுக்கு 280 ரூபாய் அதிகரித்து ஒரு  சவரன்  53,560 ரூபாய்க்கு  விற்பனை செய்யப்படுகிறது. இதேபோல் சென்னையில்  சில்லறை வர்த்தகத்தில் வெள்ளி விலை ஏற்றம் கண்டிருக்கிறது. கிராமுக்கு ரூ.1.30 உயர்ந்து ஒரு கிராம் 93 ரூபாய்க்கு விற்பனை செய்யப்பட்டு வருகிறது.