தொடர் ஏற்ற இறக்கத்தில் தங்கம் விலை.. இன்று அதிரடியாக சவரனுக்கு ரூ.480 குறைந்தது..!!

 சென்னையில் இன்று ஆபரணத்தங்கம் விலை சவரனுக்கு ரூ.480 குறைந்துள்ளது.  

சர்வதேச சந்தை நிலவரங்களுக்கு ஏற்ப இந்தியாவில் தங்கம் விலை ஏற்ற இறக்கத்துடன் இருந்து வருகிறது. அவ்வப்போது விலை உயர்வதும் , குறைவதுமாக போக்கு காட்டி வரும் தங்கம் விலை,  கனிசமாக ஏற்றம் கண்டுள்ளதே நிதர்சனம்.  கடந்த ஆண்டுகளில் ஒரு சவரன் சுமார்  ரூ.50,000 என்று விற்பனையான நிலையில் , நடப்பாண்டு ரூ.74ஆயிரத்தை கடந்து வரலாற்றில் புதிய உச்சத்தை தொட்டது.  

கடந்த மாதம் இறுதியில்  தொடர்ந்து இறங்குமுகத்தில் இருந்து வந்த ஆபரணத்தங்கம் விலை,  இறுதி வாரத்தில் மட்டும்  சவரனுக்கு ரூ.2,500 குறைந்தது.  ஆனால்  ஜூலை மாதம் தொடங்கியதில் இருந்தே தங்கம் விலை அதிரடியாக உயர்ந்து வருகிறது.  ஜூலை 1ம் தேதி  சவரனுக்கு ரூ. 840 உயர்ந்தது;  ஜூலை 3 அன்று  சவரனுக்கு  ரூ.360 ரூபாயும், ஜூலை 3ம் தேதி  சவரனுக்கு ரூ.320ம் ஏற்றம் கண்டது.  தொடர்ந்து 4 நாட்களுக்குப் பிறகு ஜூலை 4ம்தேதி  சவரனுக்கு ரூ.440 குறைந்து ஒரு சவரன் ரூ.72,400க்கும்  கிராம் ரூ.9,010க்கும் விற்பனையானது.  

தொடர்ந்து  வார விடுமுறைக்குப் பிறகு 7ம் தேதி மீண்டும் சரிவை சந்தித்த தங்கம் விலை சவரனுக்கு ரூ.400 குறைந்து இரு சவரன் ரூ.72,080க்கு விற்கப்பட்டது. பின்னர் நேற்று சவரனுக்கு ரூ.400 உயர்ந்து ஒரு சவரன் ரூ.72,480க்கும் கிராம் ரூ.9,060க்கும் விற்பனையானது.   இந்நிலையில் இன்று (ஜூலை 9)  தங்கம் விலை சரிவை சந்தித்திருக்கிறது. அதன்படி இன்று சென்னையில் ஆபரணத் தங்கம் விலை சவரனுக்கு ரூ.480 குறைந்து ஒரு சவரன் ரூ.72,000க்கு விற்கப்படுகிறது. மேலும் கிராமுக்கு ரூ.60 குறைந்து  ஒரு கிராம் ஆபரணத்தங்கம் ரூ.9,000க்கு விற்பனையாகிறது. அதேபோல் சென்னையில் சில்லறை விற்பனையில் வெள்ளி  விலை கிராமுக்கு 1 ரூபாய் உயர்ந்து  ஒரு கிராம்  ரூ.120க்கு விற்கப்படுகிறது.