"நெல் குவிண்டால் ஒன்றுக்கு ஆதார விலையாக ரூ .3,500 வழங்குக" - ஜி.கே.வாசன் வலியுறுத்தல்!!

நெல் குவிண்டால் ஒன்றுக்கு ஆதார விலையாக ரூ .3,500 வழங்க வேண்டும் என்று ஜி.கே. வாசன் தெரிவித்துள்ளார்.

இதுகுறித்து தமிழ் மாநில காங்கிரஸ் தலைவர் ஜி.கே. வாசன் வெளியிட்டுள்ள அறிக்கையில், "தமிழகத்தில் தற்பொழுது மயிலாடுதுறை பெய்துவரும் மழையால் திருவாரூர் , நெற்பயிர்கள் மழையில் நனைந்து மிகவும் பரவலாக போன்ற நாகப்பட்டிணம் , அறுவடைக்கு தயாராக இருந்த நிலையில் , அவை பாதிக்கப்பட்டுள்ளது . தமிழகத்தில் கடந்த மாதங்களில் பெய்த மழையின் காரணமாக மேட்டூர் அணைக்கு நீர் வரத்து அதிகமாக வந்ததால் வழக்கமாக அணை திறப்பதற்கான தேதிக்கு முன்னரே தண்ணீர் திறந்துவிடப்பட்டது . இதனால் விவசாயிகள் உடனடியாக உழவுப் பணிகளை தொடங்கினார்கள் . அவை இப்பொழுது அறுவடைக்கு தயாராக இருந்த நிலையில் கடும் மழையின் காரணமாகவும் , ஆற்றில் அதிகமாக உபரிநீர் திறந்துவிடப்பட்டதாலும் , நெற்பயிர்கள் தண்ணீரில் மூழ்கியும் , நெல்மணிகள் தரையில் சாய்ந்தும் முளைக்க தொடங்கியுள்ளது . இவை விவசாயிகளை பெரிதும் கவலைக்குள்ளாக்கி இருக்கிறது.

டெல்டா மாவட்டங்களில் மழையால் பாதிக்கப்பட்ட விவசாய நிலங்களை ஆய்வு செய்து அவர்கள் பயிர் காப்பீடு செய்திருந்தாலும் , செய்யாவிட்டாலும் , அவர்கள் , அனைவருக்கும் உரிய இழப்பீட்டை தமிழக அரசு உடனே வழங்க வேண்டும் . இழப்பீடு உடனே கிடைத்தால்தான் விவசாயிகள் மேலும் பொருளாதார ரீதியாக பாதிக்கப்படாமல் , மீண்டும் தாளடி பயிர் செய்ய ஏதுவாக இருக்கும் . தற்பொழுது தமிழக அரசு 2022-2023 ஆண்டிற்கான நெல்லுக்கு ஆதார விலையை அறிவித்துள்ளது . பொது ரக நெல் குவிண்டால் ஒன்றுக்கு ரூ .2,115- ம் , சன்னரகம் நெல் குவிண்டால் ஒன்றுக்கு ரூ .2,160 - ம் அறிவித்துள்ளது . இந்த தொகை போதுமானதாக இல்லை.

நடப்பாண்டில் நெல் உற்பத்தியின் செலவு ஒரு குவிண்டாலுக்கு ரூ .1,986 என்று கணக்கிடப்பட்டுள்ளது . உற்பத்தி செலவை விட லாபம் ரூ .129 தான் அதிகம் என்றால் விவசாயிகளுக்கு எப்படி கட்டுப்படியாகும் , அவர்களின் நிலை எவ்வாறு உயரும் . நாட்டில் மற்ற துறைகளை விட விவசாயத்திற்கு மட்டும் தான் இந்த நிலை இருக்கிறது . இந்நிலை மாற வேண்டும் . ஆகவே தமிழக அரசு , நெல்லுக்கு அளிக்கும் ஊக்கத் தொகையை மேலும் அதிகரித்து குவிண்டால் ஒன்றுக்கு ரூ .3,500 வழங்கினால் வழங்கினால் தான் விவசாயிகளுக்கு ஓரளவிற்கு ஆதாயமாக இருக்கும் . அதோடு இதுவரை நஷ்ட கணக்கையையே பார்த்து வந்த விவசாயிகள் லாபகணக்கை துவங்க முடியும் . விவசாயமும் வளர்ச்சியடையும் .  எனவே மத்திய , மாநில அரசுகள் விவசாயிகளின் நியாயமான கோரிக்கையை நிறைவேற்ற வேண்டும் என்று தமிழ் மாநில காங்கிரஸ் சார்பாக கேட்டுக்கொள்கிறேன் " என்று குறிப்பிட்டுள்ளார்.