கணவன் குழந்தைகளை காப்பாற்றி மூச்சுத் திணறி உயிரிழந்த தேமுதிக முன்னாள் எம்எல்ஏவின் சகோதரி!

ஆதம்பாக்கம் பகுதியில் உள்ள ஒரு வீட்டில் இன்று அதிகாலை ஏற்பட்ட தீ விபத்தில், ஒரு பெண் உயிரிழந்துள்ளார். 

ஆதம்பாக்கம் ராமகிருஷ்ணா நகரில் ஒரு அடுக்குமாடி குடியிருப்பு வீடு உள்ளது. அங்கு முதல் தளத்தில் ஆனந்த் பிரதாப் (64) என்பவர் வசித்து வருகிறார். இவர் ராயப்பேட்டை அரசு மருத்துவமனையில் தலைமை மருத்துவராக பணியாற்றி கடந்த மூன்று ஆண்டுகளுக்கு முன்பு ஒய்வு பெற்றவர். இவரது மனைவி சசிபாலா (58). இவர்களுக்கு ரோகித் ஆனந்த் (23) என்ற மகனும், பூஜா அனந்த் (24) என்ற மருத்துவம் படித்து வரும் மகளும் உள்ளனர். அனைவரும் குடும்பமாக அந்த வீட்டில் வசித்து வருகின்றனர்.

இவர்கள் வீட்டில் இன்று அதிகாலை திடீரென மளமளவென தீ பரவ தொடங்கியுள்ளது. இதனால், செய்வதறியாமல் அனைவரும் கத்தி கூச்சலிட்டனர். ஆனால், முன் கதவு பூட்டப்பட்டிருந்ததால் யாராலும் உதவ உள்ளே வர முடியவில்லை. இந்நிலையில் இவர்கள் எவ்வளவோ போராடியும் தீயை கட்டுக்குள் கொண்டு வர இயலவில்லை. அதனால், மனைவி சசிபாலா தனது கணவர், மகன், மகளை கழிவறைக்குள் நிற்க வைத்து விட்டு, முன் அறை கதவை திறக்க முயற்சித்து முதல் அறைக்கு சென்றுள்ளார். அப்போது அவர் மூச்சுத் திணறல் ஏற்பட்டு மயக்கம் அடைந்துள்ளார்.தீ மிக வேகமாக பரவியதால், வீட்டில் இருந்த மரச்சாமான்கள், மின் சாதனங்கள், உடைகள், நற்சாமான்கள் அனைத்தும் எரிந்து நாசமானது. 

இதற்கிடையே, கதறல் சத்தத்தை கேட்ட அக்கம்பக்கத்தினர் உடனடியாக தீயணைப்புதுறை மற்றும் காவல்துறைக்கு தகவல் தெரிவித்தனர். அதன்பின், வேளச்சேரி மற்றும் ஆதம்பாக்கம் தீயணைப்பு நிலையங்களிலிருந்து தீயணைப்பு வாகனங்கள் விரைந்து வந்து தீயணைப்பு வீரர்கள் தீயை அணைக்கும் பணியில் ஈடுபட்டனர். சுமார் ஒரு மணி நேர போராட்டத்திற்கு பிறகு தீயை முழுமையாக கட்டுப்படுத்தினர்.

தீயணைப்பு வீரர்களும்,போலீசாரும் உடனடியாக வீட்டின் பால்கனி வழியாக உள்ளே வந்து கழிவறை கண்ணாடியை உடைத்து அங்கிருந்த ஆனந்த் பிரதாப், மகன், மகள் ஆகியோரை மீட்டு அம்புலன்ஸ் முலம் ராயப்பேட்டை மருத்துவமனைக்கு அனுப்பி வைத்தனர்.தீயை அணைக்கும் பணிகள் முடிந்த பிறகு வீட்டுக்குள் நுழைந்த போலீசார், தீயில் தீக்காயம் அடைந்த சசிபாலாவின் உடலை மீட்டனர். உடல் தீயால் பெரிதும் எரிந்த நிலையில் இருந்ததால், உடனடியாக அரசு மருத்துவமனைக்கு அனுப்பி வைக்கப்பட்டது. மருத்துவர்கள் பரிசோதனை செய்தபோது சசிபாலா ஏற்கனவே உயிரிழந்துவிட்டதாக உறுதி செய்யப்பட்டது. தொடர்ந்து இந்த சம்பவம் குறித்து ஆதம்பாக்கம் போலீசார் வழக்குப்பதிவு செய்து, விசாரணை மேற்கொண்டனர்.

இந்த சம்பவத்தையடுத்து ஆதம்பாக்கம் போலீசார் சம்பவ இடத்துக்கு விரைந்து வந்து ஆய்வு மேற்கொண்டனர். தீ விபத்து எவ்வாறு ஏற்பட்டது? அது மின் கசிவு காரணமாகவா அல்லது வேறு ஏதேனும் காரணமா என்பதை கண்டறிய தொழில்நுட்ப நிபுணர்கள் விசாரணை நடத்தி வருகின்றனர். மருத்துவர் ஆனந்த் அச்சம்பவம் நடந்தபோது வீட்டில் இல்லாதது அதிர்ச்சியை ஏற்படுத்தியுள்ளது. அவர் மருத்துவமனையில் பணியில் இருந்ததாக கூறப்படுகிறது. இந்த திடீர் விபத்து அவரது குடும்பத்தினரையும் நண்பர்களையும் பெரும் அதிர்ச்சியில் ஆழ்த்தியுள்ளது.உயிரிழந்த சசிபாலா கும்மிடிப்பூண்டி முன்னாள் எம்.எல்.ஏ., சி.எச்.சேகரின் சகோதரி என்பது குறிப்பிடத்தக்கது.