மக்களே குடை எடுத்துட்டு போங்க..! தமிழகத்தில் இன்று பல மாவட்டங்களுக்கு கனமழை எச்சரிக்கை..!

தமிழகத்தில் தென்மேற்கு பருவமழை தீவிரமடைந்துள்ளதுடன், வளிமண்டல மேலடுக்கு சுழற்சி நிலவி வருவதால் இன்று (04.06.2026) மாநிலத்தின் பல மாவட்டங்களில் இடி, மின்னல் மற்றும் பலத்த காற்றுடன் கூடிய கனமழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

ஆரஞ்சு அலர்ட்.

கன்னியாகுமரி மாவட்டத்தில் ஓரிரு இடங்களில் கன முதல் மிகக் கனமழை பெய்யும் சாத்தியம் இருப்பதால், அங்கு “ஆரஞ்சு அலர்ட்” எச்சரிக்கை விடுக்கப்பட்டுள்ளது. இதனால் பொதுமக்கள் தேவையற்ற பயணங்களைத் தவிர்த்து பாதுகாப்புடன் இருக்குமாறு அறிவுறுத்தப்பட்டுள்ளது.


நீலகிரி, கோயம்புத்தூர், திருப்பூர், திண்டுக்கல், தேனி, சேலம், தர்மபுரி, கிருஷ்ணகிரி, ஈரோடு, திருநெல்வேலி, தென்காசி, வேலூர், ராணிப்பேட்டை, திருவண்ணாமலை மற்றும் திருப்பத்தூர் உள்ளிட்ட மாவட்டங்களில் இடி, மின்னலுடன் கூடிய கனமழை பெய்யக்கூடும் என வானிலை மையம் தெரிவித்துள்ளது.சென்னை மற்றும் அதன் புறநகர் பகுதிகளில் வானம் பொதுவாக மேகமூட்டத்துடன் காணப்படும். ஓரிரு இடங்களில் லேசானது முதல் மிதமான மழை பெய்ய வாய்ப்பு இருப்பதாகவும் தெரிவிக்கப்பட்டுள்ளது.

பொதுமக்களுக்கு முக்கிய அறிவுரைகள்.

• இடி, மின்னல் ஏற்படும் நேரங்களில் மரங்களின் கீழ் நிற்பதைத் தவிர்க்க வேண்டும்.
• தாழ்வான மற்றும் வெள்ள அபாயம் உள்ள பகுதிகளில் வசிப்பவர்கள் முன்னெச்சரிக்கையுடன் இருக்க வேண்டும்.
• கனமழை காலங்களில் தேவையற்ற வெளியூர் பயணங்களைத் தவிர்ப்பது நல்லது.
• கடலோர மாவட்ட மீனவர்கள் கடலுக்குச் செல்ல வேண்டாம் என எச்சரிக்கை விடுக்கப்பட்டுள்ளது.
• மின்கம்பங்கள் மற்றும் மழைநீர் தேங்கிய பகுதிகளுக்கு அருகில் செல்லும்போது மிகுந்த கவனம் தேவை.