“பெயரை மாற்றலாம்; வரலாற்றை மாற்ற முடியாது!”- தங்கம் தென்னரசு

 By Aishwarya G Jul 9, 2026, 18:17 IST1783601234043
thangam thennarasu

மகளிர் விடியல் பயணத்திட்டம் என்ற பெயரில் விடியல் நீக்கப்பட்டதாக குற்றச்சாட்டு எழுந்தது. இதற்கு விளக்கம் அளித்துள்ள போக்குவரத்துத்துறை, மகளிர் விடியல் பயண திட்டத்தின் பெயர் மாற்றப்படவில்லை. புகார் குறித்து துறைரீதியில் அதிகாரிகளிடம் விளக்கம் கேட்கப்பட்டுள்ளதாக தெரிவித்துள்ளது.


இந்நிலையில் முன்னாள் அமைச்சர் தங்கம் தென்னரசு தனது எக்ஸ் தளத்தில், “மகளிரின் அன்றாட வாழ்க்கையில் பெரும் மாற்றத்தை ஏற்படுத்திய 'மகளிர் விடியல் பயணம்' திட்டத்தின் பெயரை மாற்றுவது, மக்கள் நலனுக்கான நிர்வாக நடவடிக்கை அல்ல; அரசியல் அடையாளங்களை அழிக்கும் முயற்சி மட்டுமே. ஒரு திட்டத்தின் வெற்றியை அதன் பெயர் தீர்மானிக்காது; அது மக்களின் வாழ்க்கையில் ஏற்படுத்திய முன்னேற்றம்தான் தீர்மானிக்கும். பெயர் மாற்றங்களில் செலவிடும் நேரத்தையும் ஆற்றலையும் மக்களின் வாழ்வாதாரத்தை மேம்படுத்தும் புதிய திட்டங்களிலும், சேவைகளை வலுப்படுத்துவதிலும் செலவிட வேண்டும்” எனக் குறிப்பிட்டுள்ளார்.

From around the web