அதிமுக பொதுச்செயலாளரும், தமிழக எதிர்க்கட்சி தலைவருமான எடப்பாடி பழனிசாமி திடீரென டெல்லிக்கு செல்கிறார்.
தமிழக எதிர்க்கட்சி தலைவரும், அதிமுக பொதுச்செயலாளருமான எடப்பாடி பழனிசாமி டெல்லிக்கு பயணம் மேற்கொண்டுள்ளார். தமிழக சட்டப்பேரவை கூட்டத்தொடர் நடைபெற்று வரும் நிலையில் டெல்லி செல்கிறார். டெல்லியில் கடந்த சில மாதங்களுக்கு முன்னர் அதிமுக அவலகம் திறக்கப்பட்டது. இந்த அலுவலகத்தை அதிமுக பொதுசெயலாளர் எடப்பாடி பழனிசாமி காணொலி காட்சி வாயிலாக திறந்து வைத்தார்.
இந்த நிலையில், அந்த புதிய அதிமுக அலுவலகத்தை பார்வையிட எடப்பாடி பழனிசாமி செல்வதாக தகவல் வெளியாகியுள்ளது. மேலும் இந்த பயணத்தின் போது டெல்லியில் முக்கிய தலைவர்களையும் எடப்பாடி பழனிசாமி சந்திக்க வாய்ப்பு இருப்பதாக கூறப்படுகிறது. அதிமுக, பாஜக இடையே கூட்டணி முறிந்துள்ள நிலையில், எடப்பாடி பழனிசாமியின் இந்த பயணம் முக்கியத்துவம் வாய்ந்ததாக பார்க்கப்படுகிறது.