தவெக தனித்து போட்டியா ? கூட்டணியா ? என முடிவாகாத நிலையில், செயற்குழு கூட்டத்தில் தவெக தலைவர் விஜய் தான் முதல்வர் வேட்பாளர் என தீர்மானம் நிறைவேற்றப்பட்டது. இதையடுத்து, ‘மக்கள் விரும்பும் முதல்வர் வேட்பாளர் விஜய்’ என்ற பிரசாரத்தை மக்களிடையே பிரபலமடைய செய்ய செல்ல வேண்டும் என நிர்வாகிகளுக்கு கட்சி தலைமை உத்தரவிட்டுள்ளது.
இதைத்தொடர்ந்து, தமிழகம் முழுவதும் நிர்வாகிகள், வீடுவீடாக சென்று, ‘2026 மக்கள் விரும்பும் முதல்வர் வேட்பாளர் உங்கள் விஜய்’ என்ற வாசகத்துடன், அதில் விஜய் புகைப்படத்துடன் கூடிய ஸ்டிக்கரை பொதுமக்களின் வீடுகளில் ஒட்டி வருகின்றனர். அப்போது, அவர்களிடம், கடந்த ஆட்சி குறித்தும், தற்போது நடைபெற்று வரும் ஆட்சி குறித்தும், மக்களுக்கான தேவை என்ன என்பது உள்ளிட்ட பல்வேறு கருத்துக்களை கேட்டு பதிவு செய்கின்றனர்.
அவ்வாறு பதிவு செய்ததை கட்சி தலைமைக்கு அனுப்பி வருகின்றனர். இதேபோல், சமூக வலைதளங்களிலும், ‘மக்கள் விரும்பும் முதல்வர் வேட்பாளர் விஜய்’ என்ற பிரச்சாரத்தையும் தவெக தீவிரப்படுத்தி உள்ளது.