"திமுக தேர்தல் அறிக்கை - கதாநாயகியாக கூட இருக்கலாம் " கனிமொழி எம்.பி., பேட்டி

அண்ணா அறிவாலயத்தில் திமுக துணை பொதுச்செயலாளர் கனிமொழி தலைமையில் தேர்தல் அறிக்கை தயாரிப்பு குழு கூட்டம் நடைபெறுகிறது.   நேற்று தேர்தல் ஒருங்கிணைப்பு குழு கூடிய நிலையில் இன்று தேர்தல் அறிக்கை குழு கூடியது.

திமுக துணை பொதுச்செயலாளரும்.  நாடாளுமன்ற உறுப்பினருமான கனிமொழி தலைமையில் தொடங்கிய கூட்டத்தில் டிகேஎஸ் இளங்கோவன் ,அமைச்சர்கள் பிடிஆர் பழனிவேல் தியாகராஜன்,  டிஆர்பி ராஜா,  எம்எல்ஏக்கள் எழிலரசன்,  எழிலன் , சென்னை மேயர் பிரியா உள்ளிட்ட பங்கேற்றுள்ளனர். 

இந்நிலையில் சென்னை அண்ணா அறிவாலயத்தில் திமுக துணைப் பொதுச் செயலாளர் கனிமொழி எம்.பி, “திமுக தேர்தல் அறிக்கை கதாநாயகனாக இருக்க வேண்டிய அவசியம் இல்லை கதாநாயகியாக கூட இருக்கலாம்;திமுக தேர்தல் அறிக்கை எப்போதும் போல இம்முறையும் முக்கிய பங்காற்றும்;தேர்தல் அறிக்கை தயாரிப்பதற்காக எந்தெந்த இடங்களுக்கு செல்கிறோம் என்பது பற்றிய பட்டியல் தயாரித்து விரைவில் முதலமைச்சர் மு.க.ஸ்டாலினிடம் ஒப்புதலுக்காக அனுப்பி வைக்க உள்ளோம்; தமிழ்நாட்டின் பல்வேறு பகுதிகளுக்கு சென்று அங்குள்ள பொது மக்கள், தொழிலாளர்கள், கல்வியாளர்கள் ஆகியோரின் கருத்துக்களை கேட்க உள்ளோம்”என்றார்.