“திமுகவும் அதிமுகவும் ஒன்றுதான்; இருவருக்கும் ஒரே ஓனர்” - விஜய் பரபரப்பு பேச்சு..!

தாராபுரம் இடைத்தேர்தல் பிரசார பொதுக்கூட்டத்தில் பேசிய முதல்வர் விஜய், “என் நெஞ்சில் குடியிருக்கும் தாராபுரம் தொகுதி மக்களே” எனக் கூறி தனது உரையைத் தொடங்கினார். தொடர்ந்து, தான் முதலமைச்சராக தாராபுரத்திற்கு வரவில்லை என்றும், “உங்கள் வீட்டுப் பிள்ளையாகத்தான் வந்திருக்கிறேன்” என்றும் விஜய் தெரிவித்தார். தாராபுரம் தொகுதி மக்களுடன் நெருக்கமான உறவை வெளிப்படுத்தும் வகையில் அவர் தனது பிரசார உரையைத் தொடங்கினார்.

மேலும் அரசு சார்பில் அளிக்கப்பட்ட வாக்குறுதிகள் படிப்படியாக நிறைவேற்றப்பட்டு வருவதாக தெரிவித்தார். மேலும், “மாநில அளவில் நாம் கொடுத்த வாக்குறுதிகளை படிப்படியாக நிறைவேற்றி வருகிறோம். ஊழல், லஞ்சமற்ற நிர்வாகத்தை முழு முனைப்போடு உறுதிப்படுத்தி வருகிறோம். பள்ளிகள், ஆலயங்கள் அருகில் இருந்த டாஸ்மாக் கடைகள் மூடப்பட்டுள்ளன” என்று விஜய் தனது உரையில் குறிப்பிட்டார்.

மன்னர் ஆட்சி மனப்பான்மை தங்களுக்கு இல்லை என்று தெரிவித்தார். அப்போது, “இன்னும் நாங்கள்தான் முதலமைச்சர், நாம்தான் அதிகாரத்தில் இருக்கிறோம் என சிலர் நினைத்துக்கொண்டிருக்கிறார்கள். மன்னர் ஆட்சி மனப்பான்மை நமக்குக் கிடையாது” என்று விஜய் கூறினார். மேலும், ஆட்சி மற்றும் அதிகாரம் குறித்த தங்களது அணுகுமுறை மன்னர் ஆட்சி மனப்பான்மையிலிருந்து மாறுபட்டது என்றும் அவர் தனது உரையில் குறிப்பிட்டார்.

மேலும் தங்களது அரசியல் நிலைப்பாடு குறித்து பேசினார். அப்போது, “கடவுள் நம்பிக்கை இருக்கிறது என்று சொல்லித்தான் அரசியலுக்கு வந்தோம்; நமக்கு எல்லோருமே ஒன்றுதான்” என்று அவர் தெரிவித்தார். மேலும், மதம் உள்ளிட்ட எந்த வேறுபாடுகளையும் கடந்து அனைவரையும் சமமாக பார்க்கும் நிலைப்பாட்டுடன் செயல்படுவதாக விஜய் தனது உரையில் குறிப்பிட்டார்.

திமுகவை விமர்சித்ததுடன், தவெக குறித்தும் தனது கருத்தை பதிவு செய்தார். அப்போது, “அண்ணாவையும் மறந்துவிட்டு, அவர் ஆரம்பித்த கட்சியையும் மறந்துவிட்டு, இந்த தீயசக்தி திமுகவுடன் பினாமியாக சுற்றுகின்ற கட்சி தவெக இல்லை” என்று விஜய் தெரிவித்தார். மேலும், தங்களது கட்சி யாருக்கும் பினாமியாக செயல்படாது என்றும் அவர் தனது உரையில் குறிப்பிட்டார்.

திமுக தன்னை தரம் தாழ்த்தி ஒருமையில் விமர்சிப்பதாக குற்றம்சாட்டினார். இதுகுறித்து பேசிய அவர், “ஆபாச நதி, வன்ம நதியை வைத்து திமுக தரம் தாழ்ந்து பேசட்டும்; மக்கள் நம்மை உயர்த்துவார்கள்” என்று தெரிவித்தார். மேலும், திமுக தங்களது கட்சிக்காரர்களை வைத்து தனக்கு எதிராக ஏவி விட்டு, தன்னை ஒருமையில் விமர்சிப்பதாகவும் விஜய் குற்றம்சாட்டினார்.

 “நாம் ஸ்டாலினை உறவு முறையைச் சொல்லி அழைக்கிறோம்; அவரோ என்னை ‘அவன், இவன்’ என ஒருமையில் பேசி வருகிறார். நீங்கள் என்னை தரம் தாழ்த்திப் பேசப் பேச, மக்கள் என் தரத்தை உயர்த்தி மேலே நிறுத்துவார்கள். இந்த இடைத்தேர்தலுக்குப் பிறகு, ‘மக்கள் தீர்ப்புக்குத் தலைவணங்குகிறேன்’ என்றுதான் அவர்கள் சொல்வார்கள்” என்று விஜய் தெரிவித்தார்.

2026 தேர்தலில் மக்கள் தவெகவுக்கு வாக்களித்ததையும், திமுகவை வீட்டுக்கு அனுப்பிவிட்டதையும் மறந்துவிட்டு, “நாம்தான் இன்னும் முதல்வர், நமக்குக் கீழ்தான் இருக்க வேண்டும்” என்று நினைக்கும் மன்னராட்சி மனப்பான்மை தனக்கு கிடையாது என்று விஜய் கூறினார். மேலும், மக்களுக்கு நன்றி கடன் செலுத்துவதற்காகவே அரசியலுக்கு வந்திருப்பதாக அவர் தெரிவித்தார்.    

 “அதிமுகவும், திமுகவும் ஒன்று தான்; அவர்கள் இருவருக்கும் ஒரே ஓனர் தான். நீங்கள் என்ன சதி வேலை செய்தாலும், மக்கள் என்னுடன் இருக்கிறார்கள்” என்று கூறினார். இரு கட்சிகளையும் விமர்சிக்கும் வகையில் பேசிய விஜய், மக்கள் தன்னுடன் இருப்பதாகவும் தெரிவித்தார்.