ஆதிக்கத்திற்கு எதிராகப் படைதிரட்டி எதிர்ப்பாற்றலை உருவாக்கிய அண்ணாவுக்கு வந்தனங்கள்!!

 
tn

அண்ணாதுரையின் பிறந்தநாளையொட்டி , உள்ளாட்சியில் சுயாட்சிக்கான  பயணத்தை நாங்கள் தொடர்கிறோம் என்று மக்கள் நீதி மய்யம் தெரிவித்துள்ளது.

ttn

திராவிட முன்னேற்றக் கழகத்தை தோற்றுவித்தவரும்,  மறைந்த முன்னாள் முதல்வருமான அண்ணாதுரையின் 114 வது பிறந்த நாள் இன்று கொண்டாடப்படுகிறது. இதுகுறித்து  மக்கள் நீதி மய்யம் தனது ட்விட்டர் பக்கத்தில், "'பல்வேறு மக்கள் வாழும் பரந்த நிலப்பரப்பான இந்தியாவில் ஒரே ஆட்சி நிலவுவதென்பது முடியாது; அதேபோல, ஒரே மொழி அரசாங்க மொழியாக இருக்க  இயலாது' என்ற பேரறிஞர் அண்ணாவின் வார்த்தைகள், இன்றைக்கும் எத்தனைப் பொருத்தமாய்த் திகழ்கின்றன. கடவுள் உண்டு என்பவர்க்கும் இல்லை என்பவர்க்கும்இடையில் ' ஒன்றே குலம் ஒருவனே தேவன் ' என்று மய்யமாய் ஒரு சித்தாந்தத்தை அன்றே கண்ட அறிஞர் பெருந்தகை;  



திராவிடக் கனவுக்கு உயிர்கொடுத்து, மெட்ராஸ் ராஜதானிக்கு `தமிழ்நாடு' எனப் பெயர் சூட்டிய சமூக நீதிப் போராளி அண்ணா. மொழியைத் திணிப்போருக்கு, மாநில சுயாட்சியைக் குலைப்போருக்கு பேரறிஞரை நினைவூட்டுகிறோம். இன்னமும் அவருக்குத் தம்பிகள் உண்டு. எவ்வகைத் திணிப்பையும் எதிர்க்கும் தைரியமும் எங்களுக்கு உண்டு. ஆதிக்கத்திற்கு எதிராகப் படைதிரட்டி எதிர்ப்பாற்றலை உருவாக்கிய அண்ணாவுக்கு  வந்தனங்கள்! நீங்கள் முன்னெடுத்து முழங்கிய மாநில சுயாட்சித் தத்துவத்தின்  உள்ளே பொதிந்திருக்கும்  "உள்ளாட்சியில் சுயாட்சிக்கான" பயணத்தை நாங்கள் தொடர்கிறோம்" என்று பதிவிட்டுள்ளார்.