சென்னை விமான நிலையத்தில் பிரதமர் மோடியை முதல்வர் விஜய் வரவேற்றார்.
ஒரு நாள் பயணமாக தமிழகம் வந்த பிரதமர் மோடி, சென்னை ஐஐடியில் சுதா கோபாலகிருஷ்ணன் மூளை ஆராய்ச்சி மையத்தை தொடங்கிவைக்கிறார். சென்னை ஐஐடியில் உள்ள ஜலகண்டேஸ்வரர் கோயிலில் சிறப்பு வழிபாடு செய்ய உள்ளார். பின்னர் எதிர்பார்க்கப்பட்ட பூந்தமல்லி- வடபழனி மெட்ரோ ரயில் சேவையை இன்று தொடங்கிவைக்கிறார்.
டெல்லியில் இருந்து தனி விமானம் மூலம் சென்னை விமான நிலையம் வந்தடைந்தார் பிரதமர் மோடி. அவரை நேரில் சென்று பூங்கொத்து கொடுத்து வரவேற்றார் முதலமைச்சர் விஜய். சென்னை விமான நிலையத்தில் பிரதமர் மோடியை அதிமுக பொதுச் செயலாளர் எடப்பாடி பழனிசாமி, பாஜக தலைவர் நயினார் நாகேந்திரன், ஆளுநர் ராஜேந்திர அர்லேக்கர், உள்ளிட்டோர் வரவேற்றனர்.