விகடன் இணையதள முடக்கத்தை நீக்க சென்னை உயர்நீதிமன்றம் உத்தரவு!

விகடன் இணையதள முடக்கத்தை நீக்குமாறு ஒன்றிய அரசுக்கு சென்னை உயர்நீதிமன்றம் உத்தரவிட்டுள்ளது. 

இந்தியர்கள் கைவிலங்கிட்டு விமானங்களில் திருப்பி அனுப்பப்டுவதை தடுக்க, பிரதமர் அமெரிக்க அதிபரை சந்தித்தபோது கூட கேட்கவில்லை என்பதை கார்ட்டூன் போட்டு காட்டியது விகடன். இது பெரும் பரபரப்பை ஏற்படுத்திய நிலையில், இதனால் ஆத்திரமடைந்த ஒன்றிய அரசு விகடன் இணையதளத்தை முடக்கியுள்ளது. விகடனன் இணையதளம் முடக்கப்பட்டதற்கு தமிழக முதலமைச்சர் மு.க.ஸ்டாலின் உள்ளிட்ட அரசியல் கட்சி தலைவர்கள் கடும் கண்டனம் தெரிவித்தனர். இது தொடர்பாக விகடன் இணையதளம் சார்பில் சென்னை உயர்நீதிமன்றத்தில் வழக்கு தொடர்ப்பட்டது.

இந்த நிலையில், விகடன் இணையதள முடக்கத்தை நீக்குமாறு ஒன்றிய அரசுக்கு சென்னை உயர்நீதிமன்றம் உத்தரவிட்டுள்ளது. விகடன் வெளியிட்ட கார்டூன் தொடர்பாக தமிழக பாஜக தலைவர் அண்ணாமலை புகார் அளித்ததை தொடர்ந்து விகடன் இணையதளம் முடக்கப்பட்டது. இந்த நிலையில், விகடன் இணையதள முடக்கத்தை நீக்குமாறு ஒன்றிய அரசுக்கு சென்னை உயர்நீதிமன்றம் உத்தரவிட்டுள்ளது. சம்பந்தப்பட்ட கார்டூனை முடக்குமாறு விகடனுக்கு சென்னை உயர்நீதிமன்றம் அறிவுறுத்தியுள்ளது.