#BREAKING : அறிவித்தார் விஜய்..! தமிழக வெற்றி கழகத்தின் "டாப் 10" தேர்தல் வாக்குறுதிகள்..!

தமிழக வெற்றிக் கழகத்தின் நிர்வாகிகள் சந்திப்பு கூட்டம் இன்று நடைபெற்றது. இந்த கூட்டத்தில் அக்கட்சியின் தலைவரான விஜய் பேசியதாவது 

தமிழக அரசியல் எனும் பரபரப்பான சந்திப்பில், ஒரு முரட்டு ஜல்லிக்கட்டு காளை சீறிக்கொண்டு நிற்கிறது. அனுபவம் வாய்ந்தவர்கள், பல தேர்தல்களைக் கண்டவர்கள் எனப் பலரும் அந்தக் காளையை அடக்க முயன்று தோற்றுப் போகிறார்கள். "எங்களுக்குத் தெரியாத அரசியலா?" என்று மார்தட்டியவர்கள் எல்லாம் ஓரம் கட்டப்பட, அந்த இடத்திற்கு ஒரு சிறுவன் (புதிய அரசியல் சக்தி) என்ட்ரி கொடுக்கிறான்.

ஏளனப் பேச்சுகள், பரிதாபப் பார்வைகள் என எதையும் பொருட்படுத்தாமல், அந்தச் சிறுவன் காளையின் அருகே செல்கிறான். காளை முட்ட வரும்போது, தன் பாக்கெட்டில் மறைத்து வைத்திருந்த 'புல்லுக்கட்டை' நீட்டுகிறான். காளை பசி ஆறி, சாந்தமாகி அவனுடன் நடைபயணத்தைத் தொடங்குகிறது.

இந்தக் கதையின் நீதி: அனுபவம் மட்டுமே அரசியலில் போதாது; மக்களின் தேவை (பசி) என்ன என்பதை அறிந்து, சரியான தீர்வைத் தருபவரே உண்மையான தலைவன். அந்தச் சிறுவன் தான் த.வெ.க; அந்தப் புல்லுக்கட்டு தான் அவர் முன்வைக்கும் மக்கள் நலத் திட்டங்கள்!

தமிழக வெற்றி கழகத்தின் "டாப் 10" தேர்தல் வாக்குறுதிகள்:

தமிழகத்தின் எதிர்காலத்தை மாற்றியமைக்க விஜய் முன்வைக்கும் முக்கிய வாக்குறுதிகள் இதோ:

1. கல்வியில் முதலிடம்: அரசுப் பள்ளிகள் மற்றும் கல்லூரிகள் தனியார் நிறுவனங்களுக்கு இணையாக, தரத்தில் மாநிலத்தின் முதல் இடத்திற்கு உயர்த்தப்படும்.

2. போதை இல்லா தமிழகம்: இளைஞர்களின் எதிர்காலத்தைச் சீரழிக்கும் போதைப் பொருட்கள் இல்லாத மாநிலமாகத் தமிழகம் மாற்றப்படும்.

3. பெண்கள் & குழந்தைகள் பாதுகாப்பு: பெண்களுக்கும் குழந்தைகளுக்கும் பாதுகாப்பான மாநிலமாகத் தமிழகம் திகழ்வதை த.வெ.க ஆட்சி உறுதி செய்யும்.

4. மலைக் கிராமங்களில் மருத்துவம்: தொலைதூர மலைக் கிராமங்களில் சகல வசதிகளுடன் கூடிய அரசு ஆரம்ப சுகாதார நிலையங்கள் அமைக்கப்படும்.

5. இலவச போட்டித் தேர்வு பயிற்சி: போட்டித் தேர்வுகளுக்கு லட்சக்கணக்கில் செலவு செய்யும் நிலையை மாற்றி, பாடத்திட்டங்கள் எளிமையாக்கப்பட்டு அரசு சார்பில் தரமான பயிற்சி அளிக்கப்படும்.

6. அரசியல் சாசனக் கல்வி: உயர்நிலைக் கல்வியிலேயே மாணவர்கள் இந்திய அரசியல் சாசனத்தைப் பற்றித் தெரிந்துகொள்ளும் வகையில் பாடங்கள் சேர்க்கப்படும்.

7. கழிவறை வசதிகள்: அனைத்துக் கல்வி நிலையங்களிலும் கதவுகள் பொருத்தப்பட்ட, சுகாதாரமான மற்றும் தரமான கழிவறை வசதிகள் உறுதி செய்யப்படும்.

8. பெண் அதிகாரிகளுக்கு முக்கியத்துவம்: மாவட்ட ஆட்சியர்கள் (Collectors) மற்றும் எஸ்.பி (SP) பணிகளில் பெண்களுக்கு 50% சம வாய்ப்பு வழங்கப்படும்.

9. கடைசி கிராமத்திற்கும் பேருந்து: "பேருந்து வசதியே இல்லை" என்ற நிலை எந்த ஒரு குக்கிராமத்திலும் இல்லாதவாறு போக்குவரத்து இணைக்கப்படும்.

10. தீர்வுகள் சார்ந்த அரசியல்: பழைய அரசியல் பாணிகளைத் தவிர்த்து, மக்களின் அன்றாடப் பிரச்சினைகளுக்கு நவீன காலத்திற்கேற்ப தீர்வு காணப்படும்.