நகைசுவை நடிகர் சதிஷ் ஷா (74) உடல்நலக்குறைவு காரணமாக காலமானார்.
பல ஹிந்தி படங்களில் நடித்து புகழ் பெற்றவர் நடிகர் சதிஷ் ஷா. இவர் சிறுநீரகம் தொடர்பான பிரச்னைகளால் அவதிப்பட்டு வந்தார். சமீபத்தில் மாற்று அறுவை சிகிச்சை செய்து கொண்டார்.இந்நிலையில் சிகிச்சை பலனின்றி மும்பையில் உள்ள இந்துஜா மருத்துவமனையில் இன்று காலமானார். இறுதி சடங்கு நாளை( அக்டோபர் 26) நடைபெறும் என்று அவருடைய மேலாளர் தெரிவித்துள்ளார்.
1951 ஆம் ஆண்டு குஜராத்தி குடும்பத்தில் பிறந்த சதீஷ் ஷா 1970 களில் தனது திரை வாழ்க்கையைத் தொடங்கினார்.1984 ஆம் ஆண்டு வெளியான நகைச்சுவைத் தொடரான யே ஜோ ஹை ஜிந்தகி மூலம் சதிஷ் ஷா புகழ் பெற்றார். அதில் அவர் 55 வெவ்வேறு கதாபாத்திரங்களில் நடித்து பாராட்டைப் பெற்றார்.
மறைந்த சதீஷ் ஷா, 'ஹம் சாத்-சாத் ஹைன்', 'மைன் ஹூன் நா', 'கல் ஹோ நா ஹோ', 'கபி ஹான் கபி நா', 'தில்வாலே 'துல்ஹானியா லே ஜாயேங்கே' மற்றும் 'ஓம் சாந்தி ஓம்', 'ஹம் ஆப்கே ஹைன் கோன்' போன்ற பிரபலமான வெற்றிப் படங்கள் அவரது திரைப்பட பங்களிப்பில் முக்கியமானவை.
தனது 40 ஆண்டுகால திரைப்பயணத்தில் திரைப்படங்கள் மற்றும் தொலைக்காட்சி இரண்டிலும் தனது மறக்கமுடியாத பாத்திரங்கள் மூலம் சதீஷ் ஷா, ஒவ்வொரு வீடுகளிலும் புகழடைந்தார்.1983 ஆம் ஆண்டு வெளியான 'ஜானே பி தோ யாரோ' என்ற நையாண்டித் தொடரில், பல கதாபாத்திரங்களில் நடித்து மக்களிடம் வரவேற்பை பெற்றார். அவரது மறைவுக்கு பாலிவுட் நடிகர்கள் மற்றும் ரசிகர்கள் இரங்கல் தெரிவித்து வருகின்றனர்.