சென்னையில் விஜய்யின் நீலாங்கரை இல்லத்திற்கும் வெடிகுண்டு மிரட்டல் வந்தது. இதனால் நகரம் முழுவதும் பெரும் பரபரப்பு நிலவியது.
தகவலின்படி, அடையாளம் தெரியாத நபர்கள் தொலைபேசி அழைப்பின் மூலம் விஜய் வீட்டில் வெடிகுண்டு வைக்கப்பட்டுள்ளது என்று மிரட்டல் விடுத்துள்ளனர். அதே நேரத்தில், சென்னையில் உள்ள இலங்கை தூதரகத்திற்கும், பிரிட்டிஷ் தூதரகத்திற்கும் இதே போன்ற வெடிகுண்டு மிரட்டல் செய்திகள் வந்துள்ளன. தொடர் வெடிகுண்டு மிரட்டல் செய்திகள் வந்ததன் காரணமாக போலீசார் அவசரக் கூட்டமிட்டு நடவடிக்கை எடுக்கத் தொடங்கினர்.
நிகழ்வு நடந்ததும், வெடிகுண்டு செயலிழப்பு நிபுணர்கள், மோப்ப நாய்கள், குண்டு கண்டறியும் இயந்திரங்கள் உடனடியாக சம்பவ இடங்களுக்கு அழைக்கப்பட்டன. முதலில் விஜய் வீடு சுற்றியுள்ள பகுதிகள் முற்றுகையிடப்பட்டு பாதுகாப்பு வளையம் ஏற்படுத்தப்பட்டது. பொதுமக்கள் அப்பகுதியில் செல்லத் தடை விதிக்கப்பட்டது. அதன்பின் முழுமையான சோதனை மேற்கொள்ளப்பட்டது.
அதேபோல், இலங்கை தூதரகமும், பிரிட்டிஷ் தூதரகமும் சுற்றிவளைத்து விரிவான ஆய்வு நடத்தப்பட்டது. பல மணி நேரம் நீடித்த ஆய்வுக்குப் பிறகு, எந்தவித வெடிகுண்டும் இல்லை என உறுதிப்படுத்தப்பட்டது. இதன் மூலம், இது அடிப்படையற்ற மிரட்டல், அதாவது "புரளி" என போலீசார் தெரிவித்தனர்.