தமிழக பாஜகவின் அடுத்த தலைவரை தேர்வு செய்ய வரும் 12ஆம் தேதி தேர்தல் நடைபெறும் என அறிவிக்கப்பட்டுள்ளது.
பாஜக மாநில தலைவர் பதவிக்கான தேர்தல் அறிவிக்கப்பட்டுள்ளது. அதன்படி மாநில தலைவர் பதவிக்கு போட்டியிட விரும்புபவர்கள் படிவம் F பூர்த்தி செய்து நாளை மதியம் 2 மணி முதல் 4 மணி வரை பாஜக தலைமை அலுவலகத்தில் விருப்பமனு தாக்கல் செய்யலாம் என அறிவிக்கப்பட்டுள்ளது. பாஜக மாநில தலைவர் பதவிக்கு போட்டியிட மூன்று பருவம் தீவிர உறுப்பினராகவும், குறைந்தது 10 ஆண்டுகள் அடிப்படை உறுப்பினராகவும் இருக்க வேண்டும் என பாஜக தலைமை அறிவித்துள்ளது. மேலும் மாநில தலைவர் பதவிக்கு போட்டியிடுபவரை பொதுக்குழு உறுப்பினர்கள் 10 பேர் பரிந்துரை செய்ய வேண்டும் என்றும் பாஜக தேர்தல் அதிகாரி சக்ரவர்த்தி அறிவித்துள்ளார்.
ஒன்றுக்கு மேற்பட்டவர்கள் விருப்ப மனு வழங்கினால் தமிழக பாஜகவின் அடுத்த தலைவரை தேர்வு செய்ய வரும் 12ஆம் தேதி தேர்தல் நடைபெறும் என்றும் பாஜக தேர்தல் அதிகாரி சக்ரவர்த்தி அறிவித்துள்ளார்.