நடப்பது மக்களுக்கான ஆட்சியா அல்லது சமூக விரோதிகளுக்கான ஆட்சியா?

 By Manikodi Mohan May 17, 2023, 11:55 IST1684304705420
annamalai mkstalin

நடப்பது மக்களுக்கான ஆட்சியா அல்லது சமூக விரோதிகளுக்கான ஆட்சியா? என்று அண்ணாமலை கேள்வி எழுப்பியுள்ளார்.

சின்னசேலம் வருவாய் வட்டாட்சியர் இந்திராவை விடுதலை சிறுத்தைகள் கட்சியின் மாவட்ட செயலாளர் தனபால் கை, காலை வெட்டுவேன் என்று மிரட்டல் விடுக்கும் வீடியோ ஒன்று இணையத்தில் வைரல் ஆகி வருகிறது.  ஏற்கனவே திமுக ஆட்சியில் சட்டம் ஒழுங்கு சரி இல்லை என்றும் போதைப்பொருட்களின் நடமாட்டம் அதிகரித்து விட்டது என்றும் எதிர்க்கட்சிகள் குற்றம் சாட்டி வரும் நிலையில் இந்த வீடியோ பரபரப்பை கிளப்பியுள்ளது. 

tn

இதுதொடர்பாக தமிழக பாஜக தலைவர் அண்ணாமலை தனது ட்விட்டர் பக்கத்தில், "கள்ளக்குறிச்சி மாவட்டம், சின்னசேலம் வருவாய் வட்டாட்சியர் திருமதி இந்திரா அவர்களை, விடுதலை சிறுத்தைகள் கட்சி மாவட்டச் செயலாளர் தனபால் என்பவர், தகாத வார்த்தைகளால் பேசி, கை காலை வெட்டுவேன் என்று மிரட்டல் விடுத்திருக்கிறார். 



அனுமதி இல்லாமல் அமைத்த கொடிக் கம்பத்தை அகற்ற வேண்டும் என உத்தரவிட்ட பெண் வட்டாட்சியரை, காவல்துறை முன்னிலையில் பகிரங்கமாக மிரட்டல் விடுக்கும் தைரியம் எங்கிருந்து வந்தது? 

திறனற்ற திமுக ஆட்சியில், அரசு அதிகாரிகள் கொலை செய்யப்படுவதும், மிரட்டப்படுவதும் தொடர்கிறது. நடப்பது மக்களுக்கான ஆட்சியா அல்லது சமூக விரோதிகளுக்கான ஆட்சியா? 

உடனடியாக, பெண் அதிகாரிக்கு மிரட்டல் விடுத்த நபர்களைக் கைது செய்து கடுமையான நடவடிக்கை எடுக்க வேண்டும் என்றும், அரசு அதிகாரிகளுக்கான பாதுகாப்பை உறுதி செய்ய வேண்டும் என்றும் திமுக அரசை வலியுறுத்துகிறேன்" என்று குறிப்பிட்டுள்ளார். 

From around the web