பிக்பாஸ் பிரபலம் கேஃபேவில் திருட்டு: கேஷ் கவுண்டரை அலேக்காக தூக்கிய நபர்..!

 By ttn desk Oct 9, 2026, 05:30 IST1791504002000
1

ஹிந்தி பிக்பாஸ் நிகழ்ச்சி மூலம் பிரபலாமான நடிகை அர்ச்சனா கவுதம் மும்பையில் நடத்தி வரும் ‘Oye Churros’ கேஃபேவுக்குள் புகுந்த மர்ம நபர் ஒருவர், அங்கிருந்த கேஷ் கவுண்டரையே பெயர்த்து எடுத்து சென்றுள்ளனர். கடையில் பொருத்தப்பட்டிருந்த CCTV கேமராவில் பதிவான இந்த திருட்டு சம்பவத்தின் காட்சிகளை தனது சமூக வலைதள பக்கத்தில் பகிர்ந்துள்ள நடிகை அர்ச்சனா, இச்சம்பவம் குறித்து காவல்துறையில் புகார் அளித்துள்ளார். 

பிரபல நடிகையும் மாடலுமான அர்ச்சனா கௌதமுக்குச் சொந்தமாக மும்பையில் இயங்கி வரும் 'ஓயே சுரோஸ்' (Oye Churros) என்ற உணவகத்தில் (Café) துணிச்சலாக நடைபெற்றத் திருட்டுச் சம்பவம் பெரும் அதிர்ச்சியை ஏற்படுத்தியுள்ளது.

இதுகுறித்துத் தனது சமூக வலைதளப் பக்கத்தில் அதிர்ச்சி தரும் சிசிடிவி காட்சிகளைப் பகிர்ந்துள்ள நடிகை அர்ச்சனா கௌதம், "அந்த நபர் சர்வசாதாரணமாக என் கேஃபேவுக்குள் நடந்து வந்து, அங்கிருந்த பணக் கல்லாப்பெட்டியை அப்படியே தூக்கிக் கொண்டு சென்றுவிட்டான்" எனக் குறிப்பிட்டிருந்தார்.

பல ஆண்டுகாலக் உழைப்பாலும், தான் சிறுகச் சிறுகச் சேர்த்த சொந்தச் சேமிப்பாலும் இந்த உணவகத்தை உருவாக்கியதாகத் தெரிவித்த அர்ச்சனா கௌதம், இந்தச் சம்பவம் தனக்கு ஆறாத் துயரத்தையும் அதிர்ச்சியையும் அளித்துள்ளதாகக் கூறியுள்ளார்.

இச்சம்பவம் தொடர்பாகக் காவல் நிலையத்தில் அதிகாரப்பூர்வமாக எஃப்.ஐ.ஆர் (FIR) பதிவு செய்யப்பட்டுள்ளது. மேலும், சிசிடிவி காட்சிகளின் அடிப்படையில் குற்றவாளியை உடனடியாக அடையாளம் கண்டு கைது செய்ய வேண்டும் என மும்பை போலிஸாருக்கு அவர் வேண்டுகோள் விடுத்துள்ளார்.

இறுதியாகப் பொதுமக்களுக்கு அவர் விடுத்துள்ள செய்தி: "எப்போதும் விழிப்புடன் இருங்கள்; உங்கள் வீடுகள் மற்றும் தொழில் நிறுவனங்களின் பாதுகாப்பில் மிகுந்த கவனத்துடனும் தீவிரத்துடனும் இருங்கள்."


 

From around the web