#BIG BREAKING: உதயமானது புதிய இயக்கம்..!! 'கரப்பான் பூச்சி ஜனதா கட்சி' பாணியில் 'E20 ஜனதா கட்சி'

கரப்பான் பூ ஜனதா கட்சியின் (CJP) அசுர வளர்ச்சிக்குப் பிறகு, X (முன்னர் ட்விட்டர்) மற்றும் இன்ஸ்டாகிராம் போன்ற சமூக ஊடகத் தளங்களில் E20 ஜனதா கட்சி உருவானது. முன்னர் இளைஞர்களால் வழிநடத்தப்பட்ட கரப்பான் பூ ஜனதா கட்சியால் (CJP) உத்வேகம் பெற்ற இது, பாரம்பரிய அரசியலைக் காட்டிலும் இந்தியாவின் எரிபொருள் கொள்கைகளில் கவனம் செலுத்துகிறது.

தன்னை E20 ஜனதா கட்சி என்று அழைத்துக்கொள்ளும் இந்த இணையவழிப் பிரச்சாரம், பெட்ரோல் நிலையங்களில் E20 எரிபொருளுடன் 100 சதவிகித பெட்ரோலையும் விற்க அனுமதிப்பதன் மூலம் நுகர்வோர் தேர்வை மீட்டெடுக்க வேண்டும் என்று அரசை வலியுறுத்துகிறது.

இனி எத்தனால் இல்லை; இனி அமைதி இல்லை" போன்ற முழக்கங்களுடன் இயங்கி வரும் இவர்கள், நுகர்வோருக்குத் தேவையான எரிபொருளை தேர்ந்தெடுக்கும் உரிமையை வழங்க வேண்டும் எனக் கோருகின்றனர்.

மேலும், CJP இயக்கத்தின் பாணியிலேயே மத்திய சாலைப் போக்குவரத்துத் துறை அமைச்சர் நிதின் கட்கரியின் ராஜினாமாவையும் இவர்கள் வலியுறுத்தத் தொடங்கியுள்ளனர்.

எக்ஸ் (X) தளத்தில் உருவெடுத்துள்ள இக்கட்சியின் கணக்கு குறுகிய காலத்தில் 27 ஆயிரத்திற்கும் மேற்பட்ட பின்தொடர்பாளர்களை பெற்றுள்ளது.

CJP இயக்கம் கரப்பான் பூச்சியைத் தனது சின்னமாகப் பயன்படுத்தியதைப் போல, இந்த புதிய இயக்கம் நண்டு உருவத்தைச் சின்னமாக ஏற்றுக்கொண்டுள்ளது.

மலேசியாவை இருப்பிடமாக குறிப்பிட்டுள்ள இந்த கணக்கு, தான் எத்தனால் கலப்புக்கு எதிரி அல்ல என்றும், நுகர்வோருக்கு மாற்று விருப்பம் மறுக்கப்படுவதற்கே எதிர்ப்பு தெரிவிப்பதாகவும் விளக்கியுள்ளது.