ஜனநாயகன் படத்தை வெளியிடத் தடை - சென்னை உயர்நீதிமன்றம்

ஜனநாயகனுக்கு யு/ஏ சான்றிதழ் வழங்க தனி நீதிபதி பிறப்பித்த உத்தரவு ரத்து செய்யப்பட்டுள்ளது. 

மத்திய திரைப்பட தணிக்கை வாரியத்தின் (CBFC) மேல்முறையீட்டைத் தொடர்ந்து, நடிகர் விஜய் நடித்த 'ஜனநாயகன்' (Jana Nayagan) திரைப்படத்தின் தணிக்கை சான்றிதழுக்கு சென்னை உயர்நீதிமன்றம் இடைக்காலத் தடை விதித்துள்ளது. இவ்வழக்கு மீதான விசாரணை ஜனவரி 21-ம் தேதிக்கு ஒத்திவைக்கப்பட்டது. இதனால் வரும் 21 ஆம் தேதி வரை ஜனநாயகன் திரைப்படம் வெளியாக வாய்ப்பில்லை. 

விஜய்யின் ஜனநாயகன் படத்திற்கு சென்சார் சான்றிதழ் வழங்க கோரிய வழக்கில் சென்னை உயர்நீதிமன்ற நீதிபதி பி.டீ.ஆஷா இன்று மதியம் மறு ஆய்வு குழுவுக்கு படத்தை அனுப்பும் முடிவு ஏற்கத்தக்கதல்ல, மறு ஆய்வுக்கு அனுப்பிய உத்தரவு ரத்து செய்து, ஜனநாயகன் படத்திற்கு சென்சார் சான்றிதழ் வழங்க உத்தரவு பிறப்பித்தார். அதனை எதிர்த்து தணிக்கை வாரியம் மேல்முறையீடு செய்தது குறிப்பிடதக்கது.