அயப்பாக்கத்தில் சிறுமி ஒருவரை வளர்ப்பு நாய் கடித்து இழுக்கும் பரபரப்பு சிசிடிவி காட்சிகள் வெளியாகி அதிர்ச்சியை பரபரப்பை ஏற்படுத்தியுள்ளது.
சென்னை அருகே அயப்பாக்கம் சர்ச் தெருவை சேர்ந்தவர் சீனிவாசன். இவரது மகள் ரக்ஷிதா பதினோராம் வகுப்பு படித்து வருகிறார். இந்த நிலையில் கடந்த சில மாதங்களுக்கு முன்பு சீனிவாசன் அதே பகுதியில் ஒரு வீட்டில் வாடகைக்கு இருந்துள்ளார். விநாயகர் சதுர்த்தி முன்னிட்டு தனது வீட்டில் தயாரித்த பலகாரங்களை தான் முன்னாள் வசித்த வீட்டு உரிமையாளருக்கு தனது மகள் ரக்ஷிதாவிடம் கொடுத்து அனுப்பி உள்ளார்.
ஆவடி அடுத்த அயப்பாக்கத்தில் சாலையில் சென்றுகொண்டிருந்த சிறுமி மீது திடீரென பாய்ந்து கடித்த வளர்ப்பு நாய்; மீட்கப்பட்ட சிறுமி சிகிச்சைக்காக மருத்துவமனையில் அனுமதி. உரிமையாளர் மீது நடவடிக்கை எடுக்க அப்பகுதி மக்கள் கோரிக்கை#Avadi | #Dog | #CCTV pic.twitter.com/WYDxbbqzaV
— PuthiyathalaimuraiTV (@PTTVOnlineNews) September 10, 2024
பலகாரத்தை கொடுத்து மீண்டும் வீடு திரும்பிய போது அந்த வீட்டில் வளர்க்கும் லேப் வகை சேர்ந்த நாய் திடீரென சிறுமியின் கையில் கடித்து இழுத்து உள்ளது. இதனால் பதறிப்போன சிறுமி அலறி அழுதுள்ளார். இதனை கண்ட அக்கம் பக்கத்தினர் சிறுமியை மீட்டு சிகிச்சைக்காக மருத்துவமனைக்கு அழைத்துச் சென்றனர். தற்போது அந்த சிசிடிவி காட்சிகள் வெளியாகி அதிர்ச்சியை ஏற்படுத்தியுள்ளது. இதனிடையே அப்பகுதியில் அந்த வளர்ப்பு நாயை முறையாக கட்டி போடுவதில்லை சாலையில் சுற்றி திரிவதால் அந்தப் பகுதியை கடந்து செல்ல மக்கள் அச்சம் தெரிவிப்பதாகவும் ஏற்கனவே அந்த நாய் ஒருவரை கடித்திருப்பதாகவும் அப்பகுதி மக்கள் தெரிவிக்கின்றனர்.