"பதவி ஏற்றுக் கொண்ட முதல் தற்போது வரை 2619 கோப்புகளில் கையெழுத்திட்டுள்ளேன்" - முதல்வர் ஸ்டாலின் வீடியோ!!
திமுக அரசின் 8 மாத செயல்பாடு குறித்து முதல்வர் மு.க. ஸ்டாலின் வீடியோ வெளியிட்டுள்ளார்.
இந்நிலையில் முதல்வர் மு.க. ஸ்டாலின் வெளியிட்டுள்ள வீடியோவில், "பதவி ஏற்றுக் கொண்ட முதல் தற்போது வரை 2619 கோப்புகளில் கையெழுத்திட்டுள்ளேன் என்று முதல்வர் ஸ்டாலின் தெரிவித்துள்ளார். முதலமைச்சராக பொறுப்பேற்றவுடன் 5 முக்கிய திட்டங்களுக்கு கையெழுத்திட்டேன்.நகர பேருந்துகளில் பெண்கள் இலவசமாக பயணிக்க நடவடிக்கை எடுத்துள்ளேன். லட்சக்கணக்கான மக்களின் எதிர்பார்ப்பை ஒற்றை கையெழுத்தில் நிறைவேற்றினோம். 2.15 கோடி குடும்பங்களுக்கு கொரோனா நிவாரணம் வழங்கப்பட்டுள்ளது, இல்லம் தேடி கல்வி, மக்களை தேடி மருத்துவம் திட்டங்கள் மூலம் மக்கள் பயனடைந்துள்ளனர். அரசு ஊழியர்களின் அகவிலைப்படி உயர்த்தப்பட்டுள்ளது" என்றார்.
மக்களோடு வாழ் என்ற பேரறிஞர் அண்ணா சொன்ன வழியில்; முத்தமிழறிஞர் கலைஞர் பழக்கியபடி உங்களுக்கு உழைக்கவே காத்திருக்கிறேன் என்று உறுதிகூறி இதுவரையிலான என்னுடைய செயல்பாடுகளை உங்களுடன் பகிர்ந்துகொள்கிறேன். https://t.co/trWQKnBOGD
— M.K.Stalin (@mkstalin) January 13, 2022
மக்களோடு வாழ் என்ற பேரறிஞர் அண்ணா சொன்ன வழியில்; முத்தமிழறிஞர் கலைஞர் பழக்கியபடி உங்களுக்கு உழைக்கவே காத்திருக்கிறேன் என்று உறுதிகூறி இதுவரையிலான என்னுடைய செயல்பாடுகளை உங்களுடன் பகிர்ந்துகொள்கிறேன். https://t.co/trWQKnBOGD
— M.K.Stalin (@mkstalin) January 13, 2022
தொடர்ந்து பேசிய அவர், " வெளிப்படையான நிர்வாகத்தை திமுக அரசு நடத்தி வருகிறது. பதவியேற்றுக் கொண்டது முதல் தற்போது வரை 2619 கோப்புகளில் கையெழுத்திட்டுள்ளனர். கொடுத்த வாக்குறுதிகளையும் நிச்சயம் நிறைவேற்றுவோம். தேர்தல் அறிக்கையில் சொல்லாத பல திட்டங்களை நிறைவேற்றியுள்ளோம் .எங்கள் செயல்பாடுகளுக்கான ஆதாரம் பொதுவெளியில் இருக்கிறது. பொங்கல் பண்டிகையை முன்னிட்டு 21 பொருட்கள் அடங்கிய தொகுப்பு வழங்கப்படுகிறது. மாநிலம் முழுவதும் நலத்திட்டங்கள் செய்யும் வகையில் செயல்பட்டு வருகிறோம். வாக்குறுதி அளித்தது மட்டுமின்றி சொல்லாத திட்டங்களையும் நிறைவேற்றுகிறோம்" என்று குறிப்பிட்டுள்ளார்.