ஜூனியருக்கு மொட்டையடித்து ராகிங் - கோவை பி.எஸ்.ஜி தொழில்நுட்ப கல்லூரி மாணவர்கள் 7 பேர் கைது!

கோவையில் ஜூனியர் மாணவருக்கு ராகிங் கொடுமை செய்த 7 மாணவர்கள் அதிரடியாக கைது செய்யப்பட்டுள்ளனர்.

கோவை பிஎஸ்ஜி தொழில்நுட்பக் கல்லூரியில் முதலாம் ஆண்டு மாணவருக்கு சீனியர் மாணவர்கள் மொட்டை அடித்துள்ளனர் . மது குடிப்பதற்காக பணம் கேட்டு ஜூனியர் மாணவர் தாக்கி மொட்டை அடித்துள்ளனர்.

இதுதொடர்பாக பாதிக்கப்பட்ட மாணவரின் பெற்றோர் காவல் நிலையத்தில் புகார் அளித்தனர்.  இதன் அடிப்படையில் சீனியர் மாணவர்கள் மாதவன், மணி, வெங்கடேஷ், தரணிதரன், ஐயப்பன், சந்தோஷ் மற்றும் யாலிஸ் ஆகிய ஏழு மாணவர்களை பீளமேடு  காவல்துறையினர் கைது செய்துள்ளனர்.