அனைத்துக்கட்சி கூட்டத்தை புறக்கணித்த 5 கட்சிகள் - எந்தெந்த கட்சிகள் தெரியுமா?

தமிழக முதலமைச்சர் மு.க.ஸ்டாலின் தலைமையில் இன்று நடைபெற்ற அனைத்துக்கட்சி கூட்டத்தில் 63 கட்சிகளுக்கு அழைப்பு விடுக்கப்பட்டுள்ள நிலையில், 58 கட்சிகள் மட்டுமே பங்கேற்றன. 

சென்னை தலைமைச் செயலகத்தில், தொகுதி மறுசீரமைப்பு தொடர்பாக முதலமைச்சர் மு.க.ஸ்டாலின் தலைமையில், அனைத்துக்கட்சி கூட்டம் நடைபெற்றது. இந்த கூட்டத்தில் திமுக, அதிமுக, காங்கிரஸ், பாமக, விசிக, மக்கள் நீதி மய்யம் உள்ளிட்ட பல்வேறு அரசியல் கட்சிகளை சார்ந்த பிரமுகர்கள் கலந்துகொண்டனர். தமிழக வெற்றிக் கழகத்தின் சார்பில் அக்கட்சியின் பொதுச்செயலாளர் ஆனந்த் கலந்துகொண்டார். தென்னிந்திய மாநில பிரதிநிதிகள் அடங்கிய “கூட்டு நடவடிக்கை குழு” அமைப்பதற்கான நடவடிக்கை விரைவில் மேற்கொள்ளப்படும் என அனைத்துக்கட்சி கூட்டத்தில் முடிவு செய்யப்பட்டது. 
 
இந்த நிலையில்,  தலமைச்சர் மு.க.ஸ்டாலின் தலைமையில் இன்று நடைபெற்ற அனைத்துக்கட்சி கூட்டத்தில் 5 கட்சிகள் பங்கேற்கவில்லை. அனைத்துக்கட்சி கூட்டத்தில் 63 கட்சிகளுக்கு அழைப்பு விடுக்கப்பட்டுள்ள நிலையில், 58 கட்சிகள் மட்டுமே பங்கேற்றன. பாஜக, புதிய தமிழகம், தமிழ்மாநில காங்கிரஸ், புதிய நீதிக்கட்சி ஆகிய பாஜக கூட்டணி கட்சிகள் பங்கேற்காத நிலையில், சீமான் தலைமையிலான நாம் தமிழர் கட்சியின் இந்த கூட்டத்தில் பங்கேற்கவில்லை.