26 தகைசால் பள்ளிகளை தொடங்கி வைத்தார் டெல்லி முதலமைச்சர் அரவிந்த் கெஜ்ரிவால்

 
tn

26 தகைசால் பள்ளிகள் மற்றும் 15 மாதிரிப் பள்ளிகளை  தமிழ்நாடு முதலமைச்சர் ஸ்டாலின்  முன்னிலையில் டெல்லி முதலமைச்சர் அரவிந்த் கெஜ்ரிவால் தொடங்கி வைத்தார்.

மாண்புமிகு தமிழ்நாடு முதலமைச்சர்  மு.க.ஸ்டாலின் ள் முன்னிலையில், டெல்லி முதலமைச்சர் அரவிந்த் கெஜ்ரிவால் அவர்கள் இன்று (5.9.2022) சென்னை , பாரதி பெண்கள் கல்லூரியில் நடைபெற்ற விழாவில், அரசுப் பள்ளி மாணவர்களுக்கு பாடத்திட்டம் சார்ந்தும் அதைக் கடந்தும் முழுமையான கல்வியை வழங்கிடும் வகையில் தமிழ்நாட்டிலேயே முதல் முறையாக 26 தகைசால் பள்ளிகளையும், அரசுப் பள்ளிகளில் படிக்கும் மாணவர்கள் கல்வி, நுண்கலை மற்றும் விளையாட்டுத் துறைகளில் சிறந்து விளங்குவதற்கான வாய்ப்பை வழங்கும் வகையில் 15 மாதிரிப் பள்ளிகளையும் தொடங்கி வைத்தார்.

தகைசால் பள்ளிகள் (Schools of Excellence)

மாணவர்களின் கற்றலுக்கும், திறன் வெளிப்பாட்டிற்கும் முக்கிய காரணமாக விளங்குவது அவர்கள் பயிலும் பள்ளிகளில் உள்ள வசதிகளும், ஆசிரியர்களும், பள்ளித் தலைமையும்தான். மாணவர்கள் அடையவேண்டிய இலக்கையும் செல்லும் திசையையும் உறுதிசெய்தல், திறன்களை வளர்த்துக்கொள்ள வசதிகளை ஏற்படுத்தித் தருதல், ஆசிரியர் மாணவர் இடையே பிணைப்புடன் கூடிய கற்றல் - கற்பித்தல் ஆகியவை மாணவர்களின் முன்னேற்றத்திற்கு முக்கிய காரணிகள் ஆகும். இந்த இலக்கை அடைய, பாடத்திட்டம் மட்டுமல்லாது, ஒருங்கிணைந்த நூலகம், விளையாட்டு, கலைகள், இலக்கியம் என அனைத்தும் சேர்ந்த ஒரு முழுமையான கல்வி பள்ளிகளில் தேவைப்படுகிறது. நேரிடையாகவும், இணைய வசதிகளை பயன்படுத்தியும் ஆசிரியர்களுக்கு அளிக்கப்படுகின்ற பல்வேறு பயிற்சிகளின் விளைவாகவும் வருங்காலத்தில் மாணவர்கள் பெருமளவில் பலனடைந்து முன்னேற்றம் காண்பார்கள்.

tn

அரசுப் பள்ளி மாணவர்களின் கல்வித் தரத்தினை மேலும் உயர்த்துவதற்காக, முதற்கட்டமாக திருவள்ளூர் மாவட்டம் - பூந்தமல்லி, காமராஜ் நகர், சென்னை மாவட்டம் - தி.நகர், அசோக் நகர், காஞ்சிபுரம் மாவட்டம் - பெரிய காஞ்சிபுரம், செங்கல்பட்டு மாவட்டம் - காட்டாங்குளத்தூர், நந்திவரம், இராணிப்பேட்டை மாவட்டம் - ஆற்காடு, வேலூர் மாவட்டம் - வேலூர், திருப்பத்தூர் மாவட்டம் - நாட்டாரம்பள்ளி, வாணியம்பாடி, தருமபுரி மாவட்டம் - தருமபுரி, விழுப்புரம் மாவட்டம் - விழுப்புரம், சேலம் மாவட்டம் - சேலம் நகரம், குகை, ஈரோடு மாவட்டம் - ஈரோடு, அமைத்தல், கலைகள், நாடகங்கள், இசை போன்றவற்றை அரங்கேற்ற பெரிய அரங்கமும், அவற்றைக் கற்றுத் தர ஆசிரியர்களும், விளையாட்டுத் துறைக்கென உடற்பயிற்சி ஆசிரியர்களும், நூலகர்களும் பணியமர்த்தப்படுவர்.அனைத்து வசதிகளும் கொண்ட நூலகம் மற்றும் அர்ப்பணிப்புணர்வோடு பணியாற்றும் சிறந்த நூலகர்கள் வாயிலாக மாணவர்களின் வாசிப்புப் பழக்கம் மேம்படுத்தப்படும்.

tn

விளையாட்டில் ஈடுபடும் மாணவர்களுக்கு தொழில்முறை பயிற்சியாளர்கள் வாயிலாக அவர்களுடைய விளையாட்டுச் செயல்பாடுகளில் முன்னேற்றத்தை உண்டாக்கி அவர்களது மனநலமும், உடல்நலமும் பேணப்படும். கலைகள், நாடகங்கள் மற்றும் இசை ஆகியவற்றில் போட்டிகள் நடத்தப்பட்டு மாணவர்களின் தன்னம்பிக்கையும் வெளிப்பாட்டுத் திறனும் வளர்க்கப்படும். இவற்றோடு மெய்நிகர் டிஜிட்டல் உலகத்தோடு போட்டியிடும் வகையில் மாணவர்களுக்கு பயிற்சிகள் அளிக்கப்படும். இத்திட்டம் வருங்காலத்தில் படிப்படியாக அனைத்து மாவட்டத்திற்கும் விரிவுபடுத்தப்படும். மாதிரிப் பள்ளிகள் அரசுப் பள்ளிகளில் படிக்கும் மாணவர்கள் கல்வி, நுண்கலை மற்றும் விளையாட்டுத் துறைகளில் சிறந்து விளங்குவதற்கான வாய்ப்பை வழங்கும் வகையிலும், அரசுப் பள்ளி மாணவர்கள் சிறந்த கல்வி நிறுவனங்களில் தொழில்முறை கல்வி பிரிவுகளில் (அறிவியல், தொழில் நுட்பம், பொறியியல், கலை மற்றும் மருத்துவம் - STEAM) சேர்ந்து பயிலும் வாய்ப்பினை உறுதி செய்யும் வகையிலும் மாதிரிப் பள்ளிகள் உருவாக்கப்பட்டு செயல்பட்டு வருகின்றன.

tn

அந்த வகையில், இந்த கல்வியாண்டிற்கு சென்னை, மதுரை, திருப்பத்தூர், நீலகிரி, திருவாரூர், சிவகங்கை, ஈரோடு, இராமநாதபுரம், திருநெல்வேலி, கோயம்புத்தூர், திருவள்ளூர், வேலூர், நாகப்பட்டினம், இராணிப்பேட்டை ஆகிய மாவட்டங்களில் உள்ள 15 அரசுப் பள்ளிகள் மாதிரி பள்ளிகளாக தொடங்கப்படுகிறது.அரசின் இட ஒதுக்கீட்டுக் கொள்கையைப் பின்பற்றியும், மாணவர்களின் கல்வி, கலை மற்றும் விளையாட்டு போன்ற கூடுதல் பாடத்திட்டங்கள் உட்பட அவர்களின் ஒட்டுமொத்த செயல்திறனை அடிப்படையாகக் கொண்டும் மாதிரிப் பள்ளிகளில் சேர்க்கை நடைபெறுகிறது. கல்வி நிபுணர்கள் குழுவால் மாதிரிப் பள்ளிகளுக்காக வடிவமைக்கப்பட்ட சிறப்பு கற்றல் மேலாண்மை அமைப்பை பயன்படுத்த மாணவர்களுக்கு வாய்ப்புகளை ஏற்படுத்தி, மாதிரிப் பள்ளிகளில் ஒவ்வொரு மாணவரின் ஒட்டுமொத்த ஆளுமையை மெருகேற்றி இணை கல்விச் செயல்பாடுகள் மேம்படுத்தப்பட்டு வருகின்றன.
மாதிரிப் பள்ளிகள் ஒவ்வொரு மாணவருக்கும் அவர்களின் திறன் மற்றும் மனோதத்துவ அடிப்படையில் தொழில் வாய்ப்புகளை மேற்கொள்வது பற்றிய ஆழமான விழிப்புணர்வை வளர்ப்பதற்கு ஒரு தனித்துவமான தொழில் வழிகாட்டுதல் வாய்ப்பினையும் வழங்குகிறது.