செப்டம்பர் 17ம் தேதி மிலாது நபியை முன்னிட்டு டாஸ்மாக் கடைகளுக்கு விடுமுறை அறிவிக்கப்பட்டுள்ளது.
இறை தூதர் முகமது நபிகள் பிறந்த தினத்தை மிலாது நபி விழாவாக மகிழ்ச்சியுடன் உலகம் முழுவதும் உள்ள இஸ்லாமிய மக்கள் கொண்டாடி வருகின்றனர். இந்த ஆண்டு மிலாது நபி பண்டிகை செப்டம்பர் மாதம் 17 ஆம் தேதி கொண்டாடப்பட உள்ளதாக தமிழக அரசின் காஜி அறிவுறுத்தியுள்ளார். முகமது நபிகள் அவர்கள் இஸ்லாமிய கொள்கைகளை மக்களிடம் அவருடைய எளிமையான உறையாடல்கள் மூலம் பல்வேறு ஆண்டுகளுக்கு முன்னர் கொண்டுசேர்த்த பெருமைக்கு உரியவர். அந்தவகையில் இஸ்லாமியர்களால் கொண்டாடப்படும் புனித நாளான ’மிலாடி நபி’ அன்று மசூதிகளில் சிறப்புத் தொழுகை நடைபெறும்.
இந்நிலையில் மிலாடி நபியை முன்னிட்டு தமிழ்நாடு முழுவதும் செப்டம்பர் 17ஆம் தேதி டாஸ்மாக் கடைகளுக்கு விடுமுறை அறிவிக்கப்பட்டுள்ளது. விதிகளை மீறி 17 ஆம் தேதி மது விற்பனை நடந்தால் நடவடிக்கை எடுக்கப்படும் என டாஸ்மாக் நிர்வாகம் எச்சரிக்கை விடுத்துள்ளது.