டி.வி.எஸ். குரூப் சுந்தரம் கிளேட்டன் நிறுவனத்தின் லாபம் சூப்பர்… 3 மாதத்தில் ரூ.62 கோடி லாபம்

டி.வி.எஸ். குழுமத்தை சேர்ந்த சுந்தரம் கிளேட்டன் நிறுவனம் அலுமினியம் டை-காஸ்ட் தயாரிப்புகள் சப்ளையில் முன்னணி நிறுவனமான விளங்குகிறது. அந்நிறுவனம் கடந்த மார்ச் காலாண்டு நிதிநிலை முடிவுகளை வெளியிட்டுள்ளது. 2020 மார்ச் காலாண்டில் சுந்தரம் கிளேட்டன் நிறுவனத்தின் லாபம் சிறப்பான வளர்ச்சி கண்டுள்ளது.

2020 மார்ச் காலாண்டில் சுந்தரம் கிளேட்டன் நிறுவனம் தனிப்பட்ட முறையில் நிகர லாபமாக ரூ.62.05 கோடி ஈட்டியுள்ளது. இது சென்ற ஆண்டின் இதே காலாண்டைக் காட்டிலும் 23.43 சதவீதம் அதிகமாகும். 2019 மார்ச் காலாண்டில் அந்நிறுவனத்தின் தனிப்பட்ட நிகர லாபம் ரூ.50.27 கோடியாக இருந்தது. கடந்த மார்ச் காலாண்டில் சுந்தரம் கிளேட்டன் நிறுவனத்தின் வருவாய் குறைந்தபோதிலும் லாபம் அதிகரித்துள்ளது குறிப்பிடத்தக்கது.

சுந்தரம் கிளேட்டன் நிறுவனத்தின் மொத்த வருவாய் ரூ.394.77 கோடியாக குறைந்துள்ளது. 2019 மார்ச் காலாண்டில் சுந்தரம் கிளேட்டன் நிறுவனத்தின் மொத்த வருவாய் ரூ.455.65 கோடியாக உயர்ந்து இருந்தது. நிறுவனத்தின் 58வது ஆண்டு பொதுக் கூட்டம் ஜூலை 30ம் தேதி வீடியோ கான்பரன்சிங் நடைபெற உள்ளதாக சுந்தரம் கிளேட்டன் நிறுவனம் தெரிவித்துள்ளது. மேலும், தேவையான அனுமதிகள் பெறப்பட்டது மற்றும் உற்பத்தி ஆலைகள் மற்றும் அலுவலகங்களை ஓரளவு மீண்டும் தொடங்கியுள்ளதாகவும் அந்நிறுவனம் தெரிவித்தது.