புதுச்சேரியில் கருணாநிதிக்கு சிலை அமைக்க முதல்வர் நாராயணசாமி தலைமையில் ஆலோசனை நடத்தப்பட்டது.
மறைந்த தமிழக முதல்வர் கருணாநிதிக்கு புதுச்சேரி அரசு சார்பில் சிலை அமைக்க முடிவு செய்யப்பட்டது. இதற்காக இடம்தேர்வு சிலை வடிவமைப்பு உள்ளிட்டவைகள் குறித்து முடிவெடுக்க முதல்வர் நாராயணசாமி தலைமையில் அமைக்கப்பட்ட குழுவினர் இன்று சட்டபேரவை அலுவலகத்தில் ஆலோசனையில் ஈடுபட்டனர். இதில் அமைச்சர்கள், காங்கிரஸ், திமுக சட்டமன்ற உறுப்பினர்கள் கூட்டணி கட்சிகளின் நிர்வாகிகள் பங்கேற்றனர்.
திமுக தலைவர் கருணாநிதி உடல்நலக்குறைவு காரணமாக கடந்த 2018 ஆம் ஆண்டு ஆகஸ்ட் 7 ஆம் தேதி சென்னையில் காலமானார் என்பது குறிப்பிடதக்கது.