ஸ்பெக்டாக்கிள்ஸ் 2, ஸ்பெக்டாக்கிள்ஸ் 3 ஸ்மார்ட் கிளாஸ்கள் வெளியீட்டு தேதி மற்றும் விலை விபரம்

ஸ்பெக்டாக்கிள்ஸ் 2, ஸ்பெக்டாக்கிள்ஸ் 3 ஸ்மார்ட் கிளாஸ்கள் வெளியீட்டு தேதி மற்றும் விலை விபரம் ஆகியவற்றை இங்கு காண்போம்.

பிரபல சமூக வலைதளமான ஸ்னாப்சாட்டின் ஸ்னாப் நிறுவனம் ஸ்பெக்டாக்கிள்ஸ் 2 மற்றும் ஸ்பெக்டாக்கிள்ஸ் 3 ஸ்மார்ட் கிளாஸ்களை வருகிற ஜூலை 4-ஆம் தேதி இந்தியாவில் அறிமுகம் செய்ய உள்ளது. கடந்த 2018 மற்றும் 2019-ஆம் ஆண்டு முதல் இந்நிறுவனத்தின் ஸ்மார்ட் கிளாஸ்கள் ஃபிளிப்கார்ட் தளத்தில் விற்பனைக்கு வெளியாகி வருகிறது. இந்த ஸ்மார்ட்கிளாஸ்களின் பிரேம்களில் கேமரா லென்ஸ்கள் இடம்பெற்றுலதால் புகைப்படம் மற்றும் வீடியோ எடுக்க முடியும். பயனர்கள் ஸ்மார்ட்கிளாஸ் உடன் இணைக்கப்பட்ட ஸ்மார்ட்போன் உதவியுடன் நேரடியாக தங்கள் புகைப்படம் அல்லது வீடியோவை ஸ்னாப்சாட் கணக்கில் பதிவேற்றலாம்.

ஸ்பெக்டாக்கிள்ஸ் 2 ஸ்மார்ட் கிளாஸ் ரூ.14,999 விலையில் ஓனிக்ஸ் எக்லிப்ஸ், ரூபி சன்செட் மற்றும் சபையர் மிட்நைட் ஆகிய நிறங்களில் கிடைக்கும். அதேபோல ஸ்பெக்டாக்கிள்ஸ் 3 ஸ்மார்ட் கிளாஸ் கார்பன் மற்றும் மினரல் நிறங்களில் ரூ.29,999 விலையில் விற்பனைக்கு வெளியாக உள்ளது. இவ்விரு ஸ்மார்ட்கிளாஸ்கள் மூலமாகவும் ஹெச்.டி தரத்தில் புகைப்படங்களை எடுக்க முடியும். மேலும் 105 டிகிரி கோணத்தில் படம்பிடிக்கும். இதில் வாட்டர் ரெசிஸ்டன்ட் அம்சம் இடம்பிடித்துள்ளது. ப்ளூடூத், வைஃபை, யு.எஸ்.பி சார்ஜிங் போர்ட் ஆகியவை இதில் இடம்பெற்றுள்ளது. இதன் சார்ஜிங் கேஸ் மூலம் நான்கு முறை இந்த கிளாஸ்களை சார்ஜ் செய்ய முடியும்.