இன்பினிக்ஸ் நிறுவனம் ஸ்மார்ட் 4 என்ற பட்ஜெட் ஸ்மார்ட்போனை பிளிப்கார்ட் தளத்தில் விற்பனைக்காக அறிமுகப்படுத்தி உள்ளது.
ஆண்டிராய்ட் 10 இயங்குதளத்தில் இயங்கும் இந்த ஸ்மார்ட்போனில் 6.82 இன்ச் எச்டி பிளஸ் திரை, 2ஜிபி ரேம் + 32 ஜிபி மெமரி, மைக்ரோ எஸ்டி கார்ட் இணைத்துக்கொள்ளும் வசதி, மீடியா டெக் ஹீலியோ ஏ22 பிராசசருடன் கிடைக்கிறது. மேலும் 6000 எம்ஏஎச் பேட்டரி மற்றும் 10 வாட்ஸ் ஃபாஸ்ட் சார்ஜருடன் வந்துள்ளது.
கேமராவை பொறுத்தவரை பின்புறம் 13 மெகா பிக்சல் கேமரா மற்றும் டெப்த் சென்சார் என இரண்டு கேமரா செட்டப்பும், முன்புறத்தில் 8 மெகா பிக்சல் செல்ஃபி கேமராவும் கொண்டு அறிமுகமாகி உள்ளது. மின்நைட் பிளாக், ஒஷன் வேவ், சியான் மற்றும் வயலெட் ஆகிய வண்ணங்களில் கிடைக்கிறது.
தீபாவளியை முன்னிட்டு பட்ஜெட் வாடிக்கையாளர்களை கவரும் வகையில் இந்த ஸ்மார்ட் 4 ஃபோனை இன்ஃபினிக்ஸ் நிறுவனம் அறிமுகப்படுத்தி உள்ளது. இந்த போன் பிளிப்கார்டில் 6999 ரூபாய்க்கு கிடைக்கிறது.
- எஸ். முத்துக்குமார்