கிராமப்புற கோவில்கள் திறப்பு! – பக்தர்கள் சிறப்பு வழிபாடு

சென்னை உள்ளிட்ட ஐந்து மாவட்டங்களைத் தவிர்த்து தமிழகம் முழுவதும் கிராமப் பகுதிகளில் உள்ள கோவில்கள் இன்று திறக்கப்பட்டன. நீண்ட நாட்களுக்குப் பிறகு கோவில்கள் திறக்கப்பட்டதால் பக்தர்கள் மகிழ்ச்சியுடன் சிறப்பு சாமி தரிசனம் செய்தனர்.

தமிழகத்தில் ஊரடங்கு நீட்டிக்கப்பட்டுள்ள நிலையில் கிராமப்புற பகுதிகளில் உள்ள கோவில்களை மட்டும் திறக்க அனுமதி அளிக்கப்பட்டுள்ளது. சென்னை, செங்கல்பட்டு, திருவள்ளூர், காஞ்சிபுரம், மதுரை ஆகிய மாவட்டங்களில் உள்ள ஊரகப் பகுதி கோவில்களுக்கு இது பொருந்தாது என்று அறிவிக்கப்பட்டுள்ளது. மேலும் பக்தர்களுக்குத் தீர்த்தம், திருநீறு, பிரசாதம் என எதுவும் அளிக்கக் கூடாது என்று பல்வேறு கட்டுப்பாடுகளும் விதிக்கப்பட்டுள்ளது. தேங்காய், பழம், பூ உள்ளிட்டவை சாமிக்கு படைக்கவும் தடை விதிக்கப்பட்டுள்ளது. சாமிக்கு அபிஷேகம் செய்யும்போது பக்தர்கள் யாரும் அமர்ந்து பார்க்கவும் தடை விதிக்கப்பட்டுள்ளது.
இந்த உத்தரவு கிராமப்புறப் பகுதிகளில் உள்ள அனைத்து இந்து கோவில்கள், மசூதிகள், தர்கா, கிறிஸ்தவ தேவாலயம் உள்ளிட்ட அனைத்து வழிபாட்டுத் தலங்களுக்கும் பொருந்தும். சென்னை உள்ளிட்ட இதர ஐந்து மாவட்டங்களில் பஞ்சாயத்து பகுதிகளில் ஜூலை 6ம் தேதி முதல் வழிபாட்டுத் தலங்களைத் திறக்க அனுமதி வழங்கப்பட்டுள்ளது.
100 நாட்களுக்குப் பிறகு இன்று சிறு கோவில்கள் திறக்கப்பட்டதால் பக்தர்கள் மகிழ்ச்சியடைந்தனர். காலையிலேயே கோவிலுக்குச் சென்று சிறப்பு பூஜைகளில் ஈடுபட்டு வருகின்றனர். இது போன்று நகர்புறங்களில் உள்ள முக்கியமான கோவில்களையும் அரசு திறக்க அனுமதிக்க வேண்டும் என்று பக்தர்கள் கோரிக்கை விடுத்துள்ளனர்.

- Advertisment -

Most Popular

இந்த வாரம் முதலீட்டாளர்களுக்கு ரூ.1.71 லட்சம் கோடி லாபம்… சென்செக்ஸ் 850 புள்ளிகள் உயர்ந்தது..

இந்திய பங்குச் சந்தைகளில் இந்த வாரம் ஒட்டு மொத்த அளவில் ஏற்றம் கண்டது. இந்த வாரத்தின் முதல் 2 தினங்களில் வர்த்தம் முதலீட்டாளர்களை ஏமாற்றியது. இருப்பினும் அதற்கு அடுத்த 3 நாட்களில் பங்கு...

ஊரடங்கால் வீட்டில் முடங்கினாலும் உடல்நலனில் அக்கறை தேவை!

ஊரடங்கு... எல்லோர் வாழ்க்கையையும் புரட்டிப்போட்டிருக்கிறது. ஒட்டுமொத்த குடும்பமும் மாதக்கணக்கில் வீடுகளில் முடங்கிக் கிடக்கிறது. முதல்நாள் பார்த்த தன் தந்தையின் முகத்தை மறுநாள் காலையில் பார்த்த பிள்ளைகள் இப்போது நாள் முழுக்க பார்த்துக் கொண்டிருக்கிறார்கள்....

கொரோனோ நோயாளிகளின் வசதிக்காக பேட்டரி கார் வசதி அறிமுகம்

சென்னை ராஜீவ் காந்தி அரசு மருத்துவமனையில் கொரோனோ நோயாளிகளின் வசதிக்காக பேட்டரி கார் வசதி நாளை அறிமுகப்படுத்தப்படுகிறது. சென்னை ராஜீவ்காந்தி அரசு மருத்துவமனையில் கொரோனோ வார்டில் தீவிர சிகிச்சை தேவைப்படும் நோயாளிகளை அழைத்து செல்வதற்காக...

ரத்தசோகை போக்கும் முளைக்கீரை வடை!

கீரை வடை... டீக்கடைகளிலும், ஹோட்டல்களிலும் சாப்பிட்ட இந்தக் கீரை வடையை வீடுகளிலும் செய்து சாப்பிடலாம். இன்றைய சூழலில் சுகாதாரமான, சுத்தமான உணவு கிடைக்குமா? என்ற ஏக்கம் உள்ளது. எனவே, நம் வீடுகளில் இந்தக்...
Open

ttn

Close