தூத்துக்குடியில் விஷவாயு தாக்கி உயிரிழந்தவர்களின் குடும்பத்துக்கு ரூ.10 லட்சம் நிதியுதவி!

தூத்துக்குடி செக்காரக்குடியில் நேற்று கழிவுநீர் தொட்டி சுத்தம் செய்யும் பணி நடைபெற்றது. அங்கு தொழிலாளர்கள் சுத்தம் செய்து கொண்டிருக்கையில் அந்த தொட்டியில் இருந்து விஷவாயு வெளியாகியது. இதனை சுவாசித்த 4 தொழிலாளர்களும் அடுத்தடுத்து சுவாசித்து மயங்கி விழுந்து, சம்பவ இடத்திலேயே உயிரிழந்தனர். தகவல் அறிந்து வந்த போலீசார் உடல்களை பிரேத பரிசோதனைக்கு அனுப்பி வைத்துவிட்டு, வழக்குப்பதிவு செய்து விசாரணை மேற்கொண்டனர். உயிரிழந்த 4 பேரின் உடல்களின் பிரேத பரிசோதனை முடிந்த நிலையில், இன்று உடல்கள் உறவினர்களிடம் ஒப்படைக்கப்பட்டது.

இந்த நிலையில் தூத்துக்குடி அருகே விஷவாயு தாக்கி உயிரிழந்த 4 பேர் குடும்பத்துக்கு தலா ரூ.10 லட்சம் கொடுக்கப்படும் என்று முதல்வர் பழனிசாமி அறிவித்துள்ளார். மேலும், செக்காரக்குடியில் உயிரிழந்த பாண்டி, இசக்கிராஜ், தினேஷ், பாலகிருஷ்ணன் ஆகியவர்களின் குடும்பத்துக்கு ஆழ்ந்த இரங்கலும் தெரிவித்துள்ளார்.