ஒன்று முதல் 12ஆம் வகுப்பு வரையிலான பாடத்திட்டங்கள் குறைக்கப்படுவதாக பள்ளிக்கல்வித் துறை ஆணையர் நந்தகுமார் அறிவித்துள்ளார்.
இதுதொடர்பாக பள்ளிக் கல்வித்துறை வெளியிட்டுள்ள அறிக்கையில், “11, 12-ம் வகுப்புகளுக்கு 35 சதவீதமும், 9-ம் வகுப்புக்கு 38 சதவீதமும், பாடங்கள் குறைக்கப்படுகிறது. பள்ளிகள் திறப்பு தாமதமாவதால் 10-ம் வகுப்புக்கு 39% பாடங்களும்
8-ம் வகுப்பு வரை 40% பாடங்களும் குறைக்கப்படுகின்றன. கடந்த ஆண்டு குறைக்கப்பட்ட பாட திட்டங்களின் அடிப்படையிலேயே இந்த ஆண்டும் பாடங்களை நடத்தவேண்டும், வரும் செப்டம்பர் 1ஆம் தேதி 9 முதல் 12ஆம் வகுப்பு வரை வகுப்புகள் நேரடியாக தொடங்கப்பட இருக்கும் நிலையில், மாணவர்களை மனதளவில் தயார் படுத்தும் வகையில் 45 முதல் 50 நாட்களுக்கு சிறப்பு பயிற்சியும் அளிக்கப்படவுள்ளது” எனக் குறிப்பிடப்பட்டுள்ளது.