ஐப்பசி மாத தனுசு ராசி பலன்கள்
தனுசு ராசிக்கு ஜோதிட அடிப்படையில் ஐப்பசி மாதம் எத்தகைய நல்ல பலன்களை தரப்போகிறது என்பதினை பற்றி இந்த பதிவில் விரிவாக பார்போம்.
தனுசு ராசிக்கு அதிபதியாக குரு இருப்பதால் மிகவும் நேர்மையானவர்களாகம்,நல்ல உள்ளம் படைத்தவர்களாகவும் நீங்கள் விளங்குவீர்கள்.உங்கள் ராசிக்கு 11 –ல் சூரியன், சுக்கிரன்; 11, 12 –ல் புதன்; 12-ல் குரு; 1-ல் சனி; 2 –ல் செவ்வாய், கேது; 8-ல் ராகு உள்ளனர்.
மாதம் முழுவதும் லாப ஸ்தானமான பதினொன்றாம் இடம் வலிமையாக இருப்பதால் தனுசு ராசிகாரர்களுக்கு இது பொருளாதார நன்மைகளைத் தரும் மாதமாக இருக்கும்.
சூரியன் நீசத்தில் இருப்பதால் அலுவலகங்களில் யாரையும் நம்ப வேண்டாம். மனதில் உள்ளதை எவ்வளவு தெரிந்தவராக இருந்தாலும் பகிர்ந்து கொள்ள வேண்டாம்.
நம்பிக்கைத் துரோகம் நடப்பதற்கு வாய்ப்பு இருப்பதால் எந்த ஒரு விஷயத்தைப் பற்றி பேசும் பொழுதும் வார்த்தைகளில் கவனமாக இருங்கள்.
நீண்ட காலமாக முடியாமல் இழுத்துக் கொண்டு இருந்த விஷயங்கள் சாதகமான முடிவுக்கு வருதல் இப்போது நடக்கும். கலைஞர்களுக்கு சிறப்பு நற்பலன்கள் இந்த மாதம் உண்டு.
வாழ்க்கைத்துணை விஷயங்களில் விட்டுக் கொடுத்து போவது மேன்மை தரும்.வீண் ஈகோவை தவிர்ப்பதால் குடும்பத்தில் பிரச்னைகள் எதுவும் வராமல் தடுக்கலாம்.
குடும்பத்தில் ஏற்படும் பிரச்னைகளை ஒருவருக்கொருவர் மனம் விட்டு பேசி தீர்த்துக் கொள்வது நல்லது. கூட்டுத்தொழில் செய்பவர்களுக்கு லாபம் உண்டு.
கலைத்துறையைச் சேர்ந்த அன்பர்களுக்கு மறைமுக எதிர்ப்புகள் ஏற்படக்கூடும். மற்ற கலைஞர்களிடம் அனுசரனையாக நடந்துகொள்வது நல்லது. உங்களைப் பற்றிய வதந்திகள் பரவினாலும், பொருட்படுத்தாமல் பொறுமையைக் கடைப்பிடிப்பது நல்லது.
மாணவ, மாணவியர்க்கு படிப்பில் ஆர்வம் அதிகரிக்கும்.தேர்வுகளில் நல்ல மதிப்பெண்கள் பெறுவீர்கள். ஆசிரியர்களின் பாராட்டுகள் மனதுக்கு மகிழ்ச்சி தரும்.போட்டி, பந்தயங்களில் வெற்றி பெறுவீர்கள்.
அதிர்ஷ்ட எண்கள் : 1,3,6,9
அதிர்ஷ்டகிழமைகள் : ஞாயிறு , செவ்வாய், வியாழன்.
அதிர்ஷ்ட நிறம் : சிவப்பு மற்றும் மஞ்சள்
சந்திராஷ்டம நாட்கள் : அக் 31, நவ: 1
பரிகாரம் : அருகில் உள்ள ஜீவ சமாதிகளுக்கு சென்று வழிபாடு செய்வது சகல நன்மைகளையும் வழங்கும்.