நீலகிரி, கோவையில் மிக கனமழைக்கு வாய்ப்பு – வானிலை ஆய்வு மையம் தகவல்!
Sep 19, 2020, 13:19 IST1600501796000
வளிமண்டல மேலடுக்கு சுழற்சியால் நீலகிரி, கோவை மாவட்டங்களில் மிக கனமழை பெய்ய வாய்ப்பு உள்ளதாக சென்னை வானிலை ஆய்வு தெரிவித்துள்ளது.
தேனி, திண்டுக்கல் மாவட்டங்களில் கனமழை பெய்ய வாய்ப்பு இருப்பதாக சென்னை வானிலை மையம் அறிவித்துள்ளது. வடகடலோர தமிழகம் , உள் மாவட்டங்கள், புதுச்சேரி, காரைக்காலில் மிதமான மழை பெய்ய வாய்ப்பு உள்ளதாகவும் கூறியுள்ளது. அத்துடன் சென்னை மற்றும் புறநகரில் சில இடங்களில் மிதமான மழை பெய்யக்கூடும் எனவும் வானிலை ஆய்வு மையம் தகவல் தெரிவித்துள்ளது.
அண்ணா பல்கலைக்கழகம், மாம்பலம், பொன்னேரி, விமான நிலையம் பகுதிகளில் தலா 8 செமீ மழை பதிவானது.அதிகபட்சமாக ஊத்துக்கோட்டை, தாமரைப்பாக்கம், புழல், பூண்டியில் தலா 9செமீ மழை பதிவாகியுள்ளது.