புதிய கெட்டப்பில் தோனி… சோஷியல் மீடியாவில் வைரலாகும் போட்டோ!
இந்திய கிரிக்கெட் வீரர்களில் தனித்த புகழ்கொண்டவர் மகேந்திரசிங் தோனி. ஏனெனில், கிரிக்கெட் பற்றித் தெரியாதவர்கள்கூட கிரிக்கெட் வீரர்களில் சிலரைத் தெரிந்துவைத்துக்கொள்வார்கள். கபில்தேவ், கவாஸ்கர், சச்சின் எனும் இந்த வரிசையில் மகேந்திரசிங் தோனியும் நிச்சயம் இடம்பிடிப்பார்.
கபில்தேவ்க்கும் மகேந்திரசிங் தோனிக்கும் ஒரு சிறப்பான பெயர் இந்திய கிரிக்கெட்டில் உண்டு. ஆம்! இருவரின் தலைமையில் சென்ற இந்திய கிரிக்கெட் அணிதான் உலக கோப்பையை வென்று வந்தது. கபில்தேவ் தலைமையில் 1983 ஆம் ஆண்டில்; தோனி தலைமையில் 2011 ஆம் ஆண்டிலும் வெற்றி கோப்பைகள் இந்தியாவுக்கு வந்தன.
ஐபிஎல் போட்டிகள் தொடங்கியதும் தோனி தமிழகத்திற்கும் இன்னும் பிடித்தமான வீரராக மாறிவிட்டார். ஏனெனில், முதல் சீசனிலிருந்து சென்னை சூப்பர் கிங்ஸ் அணியின் கேப்டனாக தோனியே தொடர்ந்து இருந்துவருகிறார். சென்னையில் நடக்கும் ஐபிஎல் போட்டிகள் எல்லாமே மைதானம் ரசிகர்களால் நிரம்பி வழியும்.
மகேந்திசிங் தோனியின் பிறந்த நாள் அடுத்த மாதம் 7-ம் தேதிதான் என்றாலும், அவரின் ரசிகர்கள் இப்போதே வாழ்த்துகளைப் பரிமாற தொடங்கிவிட்டனர். இந்த நிலையில் கொரோனா லாக்டெளனில் புதிய கெட்டப்பில் இருக்கும் போட்டோவை ட்விட்டரில் பதிந்துள்ளார். தாடியுடன் வேலை செய்யும் அந்த போட்டோ சோஷியல் மீடியாவில் வைரலாகி வருகிறது.
Teri ek jhalak mil jaye toh, din ban jaye…🥰#MSDhoni #Dhoni #RanchiDiary pic.twitter.com/injZ38m7Q4
— MS Dhoni Fans Official (@msdfansofficial) June 27, 2020