நடிகர் ரஜினி வீட்டிற்கு வெடிகுண்டு மிரட்டல் விடுத்தவருக்கு உதவிய ரஜினி மக்கள் மன்றத்தினர்!

ரஜினிகாந்த் வீட்டிற்கு வெடிகுண்டு மிரட்டல் விடுத்த கடலூரை சேர்ந்த மனநலம் பாதித்த இளைஞருக்கு ரஜினி மக்கள் மன்றத்தினர் உதவி செய்துள்ளனர்.

சென்னையில் செயல்பட்டு வரும் 108 ஆம்புலன்ஸ் கட்டுப்பாட்டு அறைக்கு நேற்று அடையாளம் தெரியாத நபர் போன் செய்து நடிகர் ரஜினிகாந்த் வீட்டு கேட் அருகில் வெடிகுண்டு வைத்துள்ளதாக கூறி இணைப்பை துண்டித்து விட்டார். இது தொடர்பாக தேனாம்பேட்டை காவல்துறைக்கு தகவல் தெரிவிக்கப்பட்டது. தேனாம்பேட்டை காவல்துறை உதவி ஆணையர் கோவிந்தராஜ் மற்றும் போலீசார், வெடிகுண்டு நிபுணர்கள் சோதனை நடத்த போயஸ்கார்டனில் உள்ள நடிகர் ரஜினி வீட்டிற்கு சென்றனர். வீட்டு காவலாளிகள் திடீரென மோப்பநாயுடன் வெடிகுண்டு நிபுணர்கள் வந்ததும் அதிர்ச்சியடைந்தனர். பிறகு விவரத்தை தெரிவித்த பிறகு ரஜினி வீட்டு வாசலில் இருக்கும் காவலாளிகள் அறை, கேட் பகுதி, தெரு முழுவதும் வெடிகுண்டு நிபுணர்கள் சோதனை நடத்தினர். மேலும் ரஜினி வசித்து வரும் தெரு முழுவதும் முழுமையாக சோதனை செய்யப்பட்ட பிறகு வெடிகுண்டு மிரட்டல் புரளி என தேனாம்பேட்டை போலீசார் தரப்பில் தெரிவிக்கப்பட்டது.

இந்த நிலையில் இன்று அந்த அழைப்பை விடுத்தது யார் என்று காவல்துறையினர் கண்டுபிடித்தனர். அதில் கடலூரை சேர்ந்த மனநலம் பாதிக்கப்பட்ட 14 வயது சிறுவன் என்பது தெரியவந்தது. இந்த தகவலை அறிந்த கடலூர் தேற்கு மாவட்ட ரஜினி மக்கள் மன்ற செயலாளர் ஓ.எல்.பெரியசாமி உள்ளிட்ட நிர்வாகிகள் அந்த சிறுவன் இல்லத்திற்குச் சென்று விசாரித்தனர். மேலும் சிறுவன் மன நலம் பாதித்தவர் என்பதால் அவரின் குடும்பத்திற்கு நிவாரண பொருட்கள் வழங்கி திரும்பியுள்ளனர். அத்துடன் உதவிகள் தேவைப்பட்டாலும் தங்களை அழைக்குமாறு கூறி வந்துள்ளனர்.

Most Popular

சென்னையில் ஒரே நாளில் கொரோனாவால் மேலும் 25 பேர் உயிரிழப்பு!

தமிழகத்தில் கொரோனா பாதிப்பு நாளுக்கு நாள் அதிகமாகி கொண்டே செல்கிறது. நேற்று ஒரேநாளில் தமிழகம் வந்தவர்கள் உட்பட 3,965 பேர் கொரோனா வைரஸால் பாதிக்கப்பட்டுள்ளனர். இதன்மூலம் பாதிக்கப்பட்டோரின் எண்ணிக்கை 1,34,226 ஆக அதிகரித்துள்ளது. சென்னையில்...

மயிலாடுதுறை மாவட்ட சிறப்பு அதிகாரியாக லலிதா ஐ.ஏ.எஸ். நியமனம்!

புதிதாக உருவாக்கப்பட்ட மயிலாடுதுறை மாவட்டத்திற்கு அதிகாரிகளை நியமித்து தமிழக அரசு உத்தரவு பிறப்பித்துள்ளது. நாகை மாவட்டத்தின் முக்கிய சந்திப்பாகவும் திருவாரூர், கும்பகோணம், சிதம்பரம் உள்ளிட்ட இடங்களின் கூட்டு சந்திப்பாகவும் இருக்கிறது மயிலாடுதுறை நகராட்சி. அப்பகுதியில்...

சூரியதேவனே விமோசனம் பெற்ற சொர்ணாம்பிகை உடனாய புஷ்பரதேஷ்வரார் திருக்கோவில்!

சூரியன் அதாவது ஞாயிறு சிவனை வழிபட்ட 'பஞ்ச பாஸ்கரத் தலங்கள்' என்று போற்றப்படும் ஐந்து திருத்தலங்களில் ஒன்று சென்னை அருகே திருவள்ளூர் மாவட்டம் செங்குன்றத்தில் இருந்து சுமார் 15 கி.மீ. தொலைவில் உள்ளது....

தங்கக் கடத்தல் விவகாரத்தில் கைதான ஸ்வப்னா சுரேஷ் என்.ஐ.ஏ நீதிமன்றத்தில் இன்று ஆஜர்!

கேரளாவில் தங்கக் கடத்தலில் ஸ்வப்னா என். ஐ. ஏ நீதிமன்றத்தில் இன்று ஆஜர்படுத்தப்படவுள்ளார். திருவனந்தபுரம் சர்வதேச விமான நிலையத்தில் கடந்த சில தினங்களுக்கு முன் சரக்கு விமானத்தில் அந்நகரில் உள்ள ஐக்கிய அரபு அமீரக...
Open

ttn

Close