சீனா என்ற வார்த்தையை சொல்லக் கூட மோடிக்கு தைரியம் இல்லை.. ராகுல் காந்தி குற்றச்சாட்டு…

நாட்டின் பிரதமருக்கு சீனா என்ற வார்த்தையை சொல்ல தைரியம் இல்லை என்று ராகுல் காந்தி குற்றம் சாட்டினார்.

ராகுல் காந்தி நேந்று ஈரோடு மாவட்டம் ஒடநிலா நெசவாளர்களுடன் கலந்துரையாடினார். அப்போது அவர்கள் மத்தியில் பேசுகையில் ராகுல் காந்தி கூறியதாவது: சீன ராணுவம் இந்திய பிராந்தியத்தை ஆக்கிரமித்துள்ளது என்பதை நீங்கள் படித்திருக்க வேண்டும். ஜவுளித் தொழிலில் வங்கதேசம் மிகவும் வலுவாக போட்டியிடுகிறது என்று பலர் கூறுகிறார்கள். இப்போது இந்திய எல்லைக்குள் வர தைரியம் இருப்பதாக சீனா ஏன் நினைக்கிறது என்று ஒருவர் கேட்க வேண்டும்? இதற்கு முன் நடக்கவில்லை. இந்தியா பலவீனமாக இருப்பதை சீனா பார்க்க முடியும்.

நாட்டின் பிரதமருக்கு சீனா என்ற வார்த்தையை சொல்ல தைரியம் இல்லை என்பதை நீங்களே பார்த்தீர்கள். கடந்த 3 மாதங்களில் அவர் பேசியதை பாருங்கள், அவர் சீனா என்ற வார்த்தையை சொல்லவில்லை. சீனா இந்தியாவுக்குள் அமர்ந்திருக்கிறது. அதற்கு பின்னால் ஒரு காரணம், இந்திய பொருளாதாரம் முழங்காலில் (பலவீனம்) இருப்பதை சீனா புரிந்து கொண்டுள்ளது. இந்திய அரசாங்கத்தின் ஒவ்வொரு நடவடிக்கையும் 5 அல்லது 6 பெரிய வணிகர்களை வலுப்படுத்தவும், இந்தியாவின் உண்மையான பலத்தை (தொழிலாளர்கள், நெசவாளர்கள் மற்றும் விவசாயிகள்) பலவீனப்படுத்தவும் வடிவமைக்கப்பட்டுள்ளது என்பதை சீனா பார்க்க முடியும்.

நான் ஒரு படி மேலே செல்வேன். இந்தியாவின் விவசாயிகள், தொழிலாளர்கள், நெசவாளர்கள் மற்றும் குறு, சிறு மற்றும் நடுத்தர நிறுவனங்கள் வலுவாக இருந்தன என்று என்னால் உங்களுக்கு உத்தரவாதம் அளிக்க முடியும். பின் சீன அதிபர் இந்தியாவில் தயாரிக்கப்பட்ட சட்டை அணிந்திருப்பார். சீனர்கள் இந்திய கார்களை ஓட்டுவார்கள், இந்திய விமானத்தில் பறப்பார்கள், அவர்களது வீட்டில் இந்திய தரைவிரிப்புகள் இருக்கும் என்பதற்கும் என்னால் உத்தரவாதம் அளிக்க முடியும். இதெல்லாம் ஏன் நடக்கவில்லை?. ஏனென்றால் இந்தியாவின் 5 அல்லது 6 பணக்கார வணிகர்களுக்கு உதவவும், இந்தியாவின் உண்மையான பலத்தை அழிக்கவும் நம் அரசாங்கம் வலியுறுத்துகிறது. இவ்வாறு அவர் தெரிவித்தார்.