Home அரசியல் சீன அத்துமீறலை ஒப்புக்கொண்ட பாதுகாப்பு துறை அமைச்சகம்.. பிரதமர் மோடி ஏன் பொய் சொல்கிறார்?.. ராகுல் தாக்கு

சீன அத்துமீறலை ஒப்புக்கொண்ட பாதுகாப்பு துறை அமைச்சகம்.. பிரதமர் மோடி ஏன் பொய் சொல்கிறார்?.. ராகுல் தாக்கு

கடந்த மே மாதம் சீன ராணுவம் இந்திய எல்லையில் ஊடுருவ முயற்சி செய்தது. இதன் உச்ச கட்டமாக கடந்த ஜூன் 15ம் தேதியன்று கிழக்கு லடாக்கின் கல்வான் பள்ளத்தாக்கு பகுதியில் எல்லை கட்டுப்பாட்டு பகுதியை தாண்டி இந்திய எல்லைக்குள் சீன வீரர்கள் ஊடுருவ முயன்றனர். இதனை இந்திய ராணுவ வீரர்கள் தடுத்து அவர்களை விரட்டினர் அப்போது ஏற்பட்ட மோதலில் 20 இந்திய வீரர்கள் வீர மரணம் அடைந்தனர். இதனையடுத்து இந்திய பகுதியை சீன ராணுவம் ஆக்கிரமித்துள்ளதாக காங்கிரஸ் தலைவர் ராகுல் காந்தி அடிக்கடி கூறி வந்தார். ஆனால் பிரதமர் மோடியோ இந்திய நிலப்பகுதியை யாரும் ஆக்கிரமிக்கவில்லை என தெரிவித்தார். ஆனால் ராகுல் காந்தி இந்திய நிலப்பகுதியை சீன ராணுவம் ஆக்கிரமித்துள்ளதாக தொடர்ந்து குற்றம் சாட்டி வந்தார்.

ராகுல் காந்தி

இந்த சூழ்நிலையில், பாதுகாப்பு துறை அமைச்சகம் தனது வெப்சைட்டில் அறிக்கையை பதிவேற்றம் செய்து இருந்தது. சீன படையினரின் அத்துமீறல்கள் குறித்து ராஜ்ராத் சிங் தலைமையிலான பாதுகாப்பு துறை அமைச்சகம் முதல் முறையாக ஒப்புக்கொண்டுள்ளது. அந்த அறிக்கையில், 2020 மே 5 முதல் எல்லை கட்டுப்பாட்டு பகுதி மற்றும் குறிப்பாக கல்வான் பள்ளதாக்கில் சீன ஆக்கிரமிப்பு அதிகரித்து வருகிறது. அந்த மாதம் 17 மற்றும் 18ம் தேதிகளில் குக்ராங் நாலா,கோக்ரா மற்றும் பாங்காங் த்சோ ஏரியின் வடக்கு கரையோரங்களில் சீன தரப்பு மீறியது என பாதுகாப்பு அமைச்சகம் தனது ஜூன் மாத நடவடிக்கைகள் தொடர்பான தனது ஆவணத்தில் தெரிவித்துள்ளது.

பிரதமர் மோடி

தற்போது அந்த ஆவணத்தை குறிப்பிட்டு பிரதமர் மோடியை காங்கிரஸ் தலைவர் ராகுல் காந்தி விமர்சனம் செய்துள்ளார். ராகுல் காந்தி டிவிட்டரில், பிரதமர் ஏன் பொய் சொல்கிறார்? என பதிவு செய்து இருந்தார். மேலும், பாதுகாப்பு துறை அமைச்சகத்தின் ஆவணம் குறித்து செய்தியான முன்னணி ஆங்கில பத்திரிகையின் கட்டுரையையும் அதில் பதிவு செய்து இருந்தார்.

Most Popular

5 நாளில் ரூ.6.74 லட்சம் கோடி நஷ்டம்… முதலீட்டாளர்களை கலங்க வைத்த பங்கு வர்த்தகம்..

இந்திய பங்குச் சந்தைகளில் நேற்றுடன் முடிவடைந்த கடந்த வாரத்தில் பங்கு வர்த்தகம் கடும் சரிவை சந்தித்தது. சென்செக்ஸ் 1,457 புள்ளிகள் வீழ்ச்சி கண்டது. கடந்த திங்கள்...

டெல்லி அசத்தல் வெற்றி… சென்னை சூப்பர் கிங்ஸ் பரிதாப தோல்வி! #IPL #CSKvsDC

சென்னை சூப்பர் கிங்ஸ் அணியின் மூன்றாம் போட்டியில் ஸ்ரேயாஸ் ஐயரின் கேப்டன்ஷிப் கொண்ட டெல்லி கேப்பிடல்ஸ் அணியோடு மோதுகிறது.

பண்ணை வீட்டுக்கு வந்தது எஸ்பிபியின் உடல்… நாளை காலை 7 மணி முதல் பொதுமக்கள் அஞ்சலிக்கு அனுமதி

எஸ்.பி.பியின் உடல் தாமரைப்பாக்கம் பண்ணைவீட்டுக்கு கொண்டுவரப்பட்டது. உடல் நலம் பாதிக்கப்பட்டு கடந்த 50 நாட்களாக மருத்துவமனையில் சிகிச்சை பெற்று வந்த பின்னணி பாடகர் எஸ். பி....

எஸ்பிபியை கவுரவித்த முதலமைச்சர் பழனிசாமிக்கு இயக்குநர் பாரதிராஜா நன்றி!

பாடகர் எஸ்பி பாலசுப்பிரமணியத்திற்கு முழு அரசு மரியாதை அறிவித்த மாண்புமிகு தமிழக முதல்வர் அவர்களுக்கு தமிழக திரை உலகின் சார்பாக பாரதிராஜா நன்றி தெரிவித்துள்ளார். 50...
Do NOT follow this link or you will be banned from the site!