• December
    15
    Sunday

Main Area

Main



ஓபிஎஸ் அமெரிக்காவிலிருந்து வந்த பிறகுதான் எங்க ஆட்டமே இருக்கு - புகழேந்தி

pugazhendhi
pugazhendhi

தமிழக துணை முதல்வர் ஓபிஎஸ் அமெரிக்காவிலிருந்து வந்த பிறகு சென்னையில் முதல்வர் பழனிசாமி தலைமையில் அமமுகவில் இருந்து விலகிய தாங்கள் அதிமுகவில் இணையப் போகிறோம் என அமமுக அதிருப்தியாளரான புகழேந்தி தெரிவித்துள்ளார். 

தஞ்சையில் செய்தியாளர்களிடம் பேசிய அவர், “உள்ளாட்சித் தேர்தலுக்கு முன்பாகவே அமமுகவிலிருந்து அதிமுக கட்சியில் இணைந்து பிரசாரத்தில் ஈடுபடவுள்ளோம். அதிமுக விக்கிரவாண்டி, நாங்குநேரி தொகுதி வெற்றி போல அனைத்து தொகுதியிலும் வெற்றி பெறும். கஜா புயலுக்கு அமமுக கட்சி நிர்வாகிகள் பல நலத்திட்ட உதவிகளை செய்தோம். ஆனால் பல ஆயிரம் கோடி சொத்து வைத்துள்ள டிடிவி தினகரன் கஜா புயலுக்காக சொந்த செலவில் என்ன செய்தார். புறம்போக்கு இடத்தில் உள்ள ஒரு கம்பெனி போல கட்சியை நடத்திவருகிறார். அமமுக கட்சி தொடங்கிய காலத்திலிருந்து கட்சியில் இருக்கிறேன்.

pugazhendhi

டிடிவி தினகரனால் எந்த கட்சியும் நடத்த முடியாது.கொள்ளையடித்த பணத்தில் கஜா புயலுக்கு ஏதாவது கொடுத்து இருக்கலாம். 20 ரூபாய் காசு கொடுத்து கூட்டத்தை கூட்டுகிறார். அதிமுகவிற்கு செல்வது சசிகலாவிற்கு தெரியும்” என தெரிவித்துள்ளார்.

2018 TopTamilNews. All rights reserved.