சென்னை காவல் ஆணையருக்கு ஜனாதிபதியின் காவல் பதக்கம்!

சென்னை காவல் ஆணையர் மகேஷ் குமார் அகர்வாலுக்கு ஜனாதிபதியின் காவல் பதக்கம் அறிவிக்கப்பட்டுள்ளது.

தமிழகத்தில் சென்னை காவல் ஆணையர் மகேஷ் குமார், ஏடிஜிபி டேவிட்சன் தேவாசீர்வாதம், இனஸ்பெக்டர் மணிகண்ட பிரபு ஆகிய 3 பேருக்கு ஜனாதிபதியின் காவல் பதக்கம் அறிவிக்கப்பட்டுள்ளது. 3 பேரின் மெச்சத்தகுந்த பணியை பாராட்டி குடியரசுத் தலைவரின் காவல் பதக்கம் அறிவிக்கப்பட்டிருப்பதாக தெரிவிக்கப்பட்டுள்ளது.

மேலும், தமிழகத்தை சேர்ந்த 17 காவலர்கள், காவல் அதிகாரிகளுக்கு இந்திய காவல் பதக்கம் அறிவிக்கப்பட்டுள்ளது. அதில், சிலை கடத்தல் தடுப்பு பிரிவு ஐ.ஜி. அன்பு இடம்பெற்றிருக்கிறார்.