அசாதுதீன் ஓவைசி கட்சியுடன் சமாஜ்வாடி கூட்டணி வைக்காது.. அகிலேஷ் யாதவ் திட்டவட்டம்

அசாதுதீன் ஓவைசி தலைமையிலான ஏ.ஐ.எம்.ஐ.எம். கட்சியுடன் சமாஜ்வாடி கூட்டணி வைக்காது என்று அகிலேஷ் யாதவ் தெரிவித்தார்.

சமாஜ்வாடி கட்சி தலைவரும், உத்தர பிரதேச முன்னாள் முதல்வருமான அகிலேஷ் யாதவ் செய்தி நிறுவனம் ஒன்றுக்கு அளித்த பேட்டியில் கூறியதாவது: சமாஜ்வாடி கட்சி தனது கூட்டணிகளை கிட்டத்தட்ட முடித்து விட்டது. நாங்கள் தொடர்பில் உள்ள சில சிறிய கட்சிகள் மட்டுமே உள்ளன. நாங்கள் ஏ.ஐ.எம்.ஐ.எம். (அசாதுதீன் ஓவைசி தலைமையிலான கட்சி)  கட்சியுடன் கூட்டணி வைக்க மாட்டோம்.

கோவிட்-19 தொற்றுநோய்களின் போது கொல்லப்பட்ட ஏழை தொழிலாளர்களின் குடும்பங்களுக்கு எனது கட்சி தலா ரூ.1 லட்சம் வழங்கியது. ஏழைகளின் முன்னேற்றம், சாமானியர்களுக்கு பாதுகாப்பு மற்றும் பாதுகாப்பு வழங்குவதில் பா.ஜ.க. தனது வாக்குறுதிகளை நிறைவேற்றவில்லை. இவ்வாறு அவர் தெரிவித்தார்.

மொத்தம் 403 உறுப்பினர்களை கொண்ட உத்தர பிரதேச சட்டப்பேரவைக்கு புதிய உறுப்பினர்களை தேர்ந்தெடுப்பதற்கான தேர்தல் அடுத்த ஆண்டு தொடக்கத்தில் நடைபெறும் என்று எதிர்பார்க்கப்படுகிறது. தேர்தலுக்கு இன்னும் சில மாதங்களை உள்ளதால் அனைத்து கட்சிகளும் தேர்தல் பணிகளை தற்போது தீவிரமாக மேற்கொண்டு வருகின்றன. குறிப்பாக சமாஜ்வாடி கட்சி படு வேகமாக இப்போதே தேர்தல் பிரச்சார நடவடிக்கைகளை செய்து வருகிறது.