பா.ஜ.க. காஷ்மீர் பண்டிட்களை வாக்கு வங்கியாக பயன்படுத்தியது.. பரூக் அப்துல்லா குற்றச்சாட்டு

பா.ஜ.க. காஷ்மீர் பண்டிட்களை வாக்கு வங்கியாக பயன்படுத்தியது என்று பரூக் அப்துல்லா குற்றம் சாட்டினார்.

ஜம்மு அண்டு காஷ்மீரின் முன்னாள் முதல்வரும், தேசிய மாநாட்டு கட்சியின் தலைவருமான பரூக் அப்துல்லா கூறியதாவது: பா.ஜ.க. காஷ்மீர் பண்டிட்களை வாக்கு வங்கியாக பயன்படுத்தியது. ஆனால் அவர்களுக்கு ஒன்றும் செய்யவில்லை. தேசிய மாநாட்டு கட்சி ஆட்சியின் போது, பள்ளத்தாக்குக்கு (காஷ்மீருக்கு) பண்டிட் சமூகம் திரும்புவதை உறுதி செய்ய நாங்கள் எங்களால் முடிந்த அனைத்தையும் செய்தோம். 

ஆனால் சில சமூக விரோதிகள் பண்டிட்களின் படுகொலைகளை நிறைவேற்றுவதன் மூலம் முழு செயல்முறையையும் நாசப்படுத்தியது. காஷ்மீர் பண்டிதர்கள் இடம்பெயர்ந்த பிறகு மிகவும் பாதிக்கப்பட்டுள்ளனர். பண்டிட் சமூகத்தின் வலி எண்ணற்றது. சில சக்திகள் காஷ்மீரி பண்டிட்களையும், முஸ்லிம் சமூகத்தையம் பிரிக்க முயன்றன. பண்டிட்டுகளை காஷ்மீரை விட்டு வெளியேற வற்புறுத்தியவர்கள் முஸ்லிம்கள் அல்ல, சுயநலவாதிகள். பண்டிதர்களை பள்ளத்தாக்கிலிருந்து துரத்திய பின் காஷ்மீர் கிடைக்கும் என்று நினைத்தனர். ஆனால் அவர்கள் தங்கள் மோசமான வடிவமைப்புகளை ஒருபோதும் அடைய மாட்டார்கள் என்று நான் உறுதியளிக்கிறேன். 

காஷ்மீர் பண்டிட்டுகளுக்கு அடைக்கலம் கொடுத்ததற்காக ஜம்மு மக்களை நான் வாழ்த்துகிறேன். முஸ்லிம் மற்றும் இந்து சமூகங்கள் இப்போது இடைவெளியைக் குறைக்கவும், வெறுபு்பை அன்பால் மாற்றவும் முயற்சிக்க வேண்டும். நாம் அனைவரும் நம் மனதை சுத்தம் செய்து ஜம்மு அண்டு காஷ்மீரை காப்பாற்ற முயற்சிக்க வேண்டும். அரசியல் ஆதாயங்களுக்காக நம்மை யாரும் பயன்படுத்த அனுமதிக்கக் கூடாது. இவ்வாறு அவர் தெரிவித்தார்.