இங்கு யாரும் அரசர் அல்லது இளவரசர் இல்லை. ஒவ்வொரு குடிமகனும் சட்டத்துக்கு சமம்... ராகுலை தாக்கிய பா.ஜ.க.

இங்கு யாரும் அரசர் அல்லது இளவரசர் இல்லை. ஒவ்வொரு குடிமகனும் சட்டத்துக்கு சமம் என ராகுல் காந்தியை பா.ஜ.க.வின் செய்தி தொடர்பாளர் சம்பிட் பத்ரா மறைமுகமாக தாக்கினார்.

பா.ஜ.க.வின் செய்தி தொடர்பாளர் சம்பிட் பத்ரா செய்தியாளர்கள் சந்திப்பின்போது கூறியதாவது: இந்த தாய்-மகன் இரட்டையர்கள் (சோனியா காந்தி-ராகுல் காந்தி) மக்களின் சொத்துக்களை எப்படி கொள்ளையடித்தார்கள் என்பதை நான் அறிய விரும்புகிறேன். ஊழலின் காலவரிசையை மக்கள் புரிந்து கொள்ள வேண்டும். யங் இந்தியா நிறுவனத்தை உருவாக்குவதன் மூலம் அவர்கள் மக்களின் பணத்தை கொள்ளையடிக்க விரும்புகிறார்கள்.

காங்கிரஸ் நேற்றிலிருந்து நாடகம் ஆடுகிறது. அவர்களே ஊழல் செய்து, பல விஷயங்களில் நிரபராதி என்பதை நிரூபிக்க சட்ட முறைகளை பின்பற்றுவதாக பேசுகிறார்கள். குற்றம் இல்லை என்று மன்றாடுவதற்காக விசாரணை மற்றும் உயர் நீதிமன்றங்களை அணுகியதால் அது உண்மையாக இருக்க முடியாது. மேலும் இரு நீதிமன்றங்களும் அவர்களின் மனுக்களை தள்ளுபடி செய்தன. டெல்லி உயர் நீதிமன்றம் நேஷனல் ஹெரால்டு வழக்கில் சோனியா காந்தியும், ராகுல் காந்தியும் முறையே முதல் மற்றும் 2வது இடம் என குறிப்பிட்டுள்ளது. இதனை தொடர்ந்து, இந்த வழக்கில் கபில் சிபல், அபிஷேக் மனு சிங்வி உள்ளிட்ட காங்கிரஸ் வழக்கறிஞர்கள் உச்ச நீதிமன்றத்தை அணுகினர்.

ஆனால் இந்த வழக்கில் தகுதி உள்ளது, எனவே ராகுலும் சோனியாவும் இதை எதிர்க்கொள்ள வேண்டும் என்று உச்ச நீதிமன்றம் கூறியது. நாட்டில் உள்ள அனைத்து மக்களுக்கும் சட்டம் ஒழுங்கு உள்ளது. எனவே இங்கு அனைவரும் சமமாக கருதப்படுவார்கள். இந்த நாட்டில் காந்தி குடும்பம் தன்னை மிகவும் உயர்ந்ததாக கருதுகிறது. இங்கு யாரும் அரசர் அல்லது இளவரசர் இல்லை. ஒவ்வொரு குடிமகனும் சட்டத்துக்கு சமம். இதை பிரதமர் மோடியிடம் இருந்து கற்றுக் கொள்ள வேண்டும். இவ்வாறு அவர் தெரிவித்தார்.